Asteartean aurkeztu dute taldekakoaren 3. edizioa. "Usaiako eta ez hain usaiako bertsolariak elkartzen dituen jostetarako lehia" da, azaldu du Bertsularien Lagunak elkarteak, "aurten ere bertsolari zahar eta berriak agertuko zaizkigu kantura, gai ematera edo epaitzera". Elkarteak gehitu duenez, "banakako txapelketako zurruntasunetik at, taldekako Xilaba jostaria izango da; bertsoa ardatz izanik ateak idekitzen dizkio beste arte diziplinei, hala nola musika edo antzerkiari".

Ligaxken faseko saioak Ozazen, Urruñan, Saran, Amenduze-Eiheran, Hendaian, Baionan (bi saio), Hazparnen eta Alduden izango dira. Bi finalerdiak Muskildin eta Azkainen jokatuko dira eta finala Aiherran.

Egutegi osoa eta parte hartzaileen zerrenda Bertsoa.eus webgunean topa dezakezue.