Sare sozialetan “jainkoa iraintzeagatik” salaketa jarri zioten zenbait abokatu katolikok. Toledo ez zen aurkeztu epaiketetara eta Madrilgo instrukzio epaitegiak atxilotzeko agindua eman zuen asteazkenean.

“Nire bizilagunek, sei polizia ikusi zituzten nire etxe inguruan. Horregatik, terrazetatik egin nuen ihes, baina, taxiak hamar minutu behar izan zituen nengoen lekura etortzeko eta poliziek harrapatu egin ninduten”, azaldu du Toledok.

Endika Zulueta abokatuak adierazi du ez ziotela Toledo ikusten utzi. “Mundu guztiak du eskubidea epailearen aurretik igaro baino lehenago bere abokatua ikusteko”.

Zuluetak adierazi duenez, “kasua atxibatzeko eskatu dugu eta orain epailearen esku dago kasua amaitutzat jo edo ez”.