Martxoaren 30ean Venezuelako Justizia Auzitegi Gorenak Parlamentuaren funtzioak hartu zituen behin behinean. Parlamentua oposizioaren esku zegoenez, bere botere-gune nagusi gabe geratu zen Nicolás Maduroren gobernuaren kontrako oposizioa. Estatu kolpea, titulatu zuen bere editoriala El País-ek.
Venezuelako botere publikoen —betearazlea, legegilea eta judiziala— arteko tentsio eta talkak 2015ean hasi ziren, oposizioak parlamenturako hauteskundeak irabazi eta Parlamentua bereganatu zuenean. Hauteskunde horietan, baina, chavismoak salatu zuen irregulartasunak egon zirela oposizioko hiru hautagairen garaipenen kasuan, eta Justizia Auzitegi Gorenak debekatu egin zion oposizioari parlamentuko hiru eserleku horiek betetzea.
Epaiari muzin eginda, oposizioak hiru hautagaiak jarri zituen parlamentuan —hala parlamentuaren gehiengo osoa baitaukate—. Justizia Auzitegi Gorenak men ez egitea egotzi zion parlamentuari, eta bere jarduera baliogabetu zuen. Oposizioak, baina, jardunarekin jarraitu zuen ezer gertatuko ez bailitzan.
Botere betearazlearekin ere izan ditu talkak. 2017ko urtarrilaren 9an Parlamentuak Maduro lehendakaria aitortzeari utzi zion, argudiatuta lehendakariak bere postua utzi zuela; nabarmen faltsua. Orduan ez zuen halakorik titulatu El País-ek.
Azkenik, martxoaren 30ean Parlamentuaren funtzioak hartu zituen Justizia Auzitegi Gorenak behin behinean, desobedientzia jarrera utzi arte. Auzitegiak argudiatu zuen Hidrokarburoen Legearen artikulu batek —Venezuelaren ekonomiarentzat hil ala bizikoa dira petroliotik jasotzen dituen baliabideak— Parlamentuaren berrespena behar duela, baina honek uko egin diola zeregin horri.
Auzitegiaren erabakiaren ondoren oposizioak egindako protestak ikusita, Maduro buru duen Nazioaren Defentsarako Kontseiluak erabakia berrikusteko eskatu dio auzitegiari. Azkenean, Justizia Auzitegi Gorenak atzera bota du bere erabakia.
Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]
Martxoaren 29an gose greba hasi du Asier Guridi Zaloña errefuxiatu politikoak Venezuelako Espainiako Kontsulatuaren aurrean "nortasun judirikoa" eskatzeko: izan ere, Espainiako Estatuak ukatu egin dio nortasun juridikoa eta ondorioz, oinarrizko eskubideetara... [+]
Venezuelan dagoen Asier Guridi Zaloña euskal iheslari politikoak abenduaren 3an gose greba abiatu duela jakinarazi du. Caracas hiriburuko Espainiako kontsuletxearen aurrean dago, bere eskubideak eta 13 urteko bere semearenak aitortuak izan daitezen eskatzeko. 2005ean... [+]
Nazioarteko 500 bat ordezkari elkartu ditu ekainaren 21etik 24ra Caracasen burutu den kongresuak. Autodeterminazioa eta amnistiaren aldeko ebazpen bana onartu dituzte. Itxiera ekitaldian Venezuelako presidente Nicolas Madurok Euskal Herria herri “ausart eta... [+]
Hil berri duten Jesus Santrich FARCeko komandante eta bake negoziatzailea ezagutzeko aukera izan nuen 2020ko martxoan. ARGIA izan zen Kolonbiako borroka armatuaren fase berri horretan Santrich komandantea elkarrizketatu zuen munduko lehen komunikabidea, bere kartzelaldia eta... [+]
Nicolás Maduro presidentearen GPPSB Simon Bolivar Polo Patriotiko Handiak irabazi ditu hauteskundeak Venezuelan. %67ko zifra eman dute botoen %82 zenbatuta zegoela. Aliantza Demokratikoa koalizioak botoen %18 eskuratu du. Juan Guaidó oposizioko kideak... [+]
Arantxa Tirado Sánchez (Bartzelona, 1978) politologoa da, Nazioarteko Harremanetan eta Latinoamerikako Ikasketetan doktorea. Martxoan zen Bilbora etortzekoa, Venezuela, más allá de la mentiras y mitos [Venezuela, gezur eta mitoetatik harago] liburua... [+]