‘Uztarria’-ko kazetari bat identifikatu du Ertzaintzak eta Mozal Legearekin mehatxatu
Azpeitia Zutik mugimenduaren batzarrari argazkiak ateratzen ari zela identifikatu zuten kazetaria. Mozal Legearen balizko ondorioez ohartarazi eta ertzainak agertzen ziren argazkiak ezabatzeko agindu zioten.
Atzo, ekainak 30, Uztarria Komunikazio Taldeko kazetari bat identifikatu zuen Ertzaintzak, plazan Azpeitia Zutik mugimenduaren batzarrari argazkiak ateratzen ari zela.
Batzarra hasi eta orduerdi ingurura plazara hurbildu ziren bi ertzainak kazetariarengana gerturatu ziren, eta zertan ari zen galdetu zioten Uztarriako kideari. Kazetariak bere lana egiten ari zela erantzun zien bi ertzainei eta horiek beste galdera batzuk egin zizkioten orduan: nondik izan zuen deialdiaren berri, non egiten duen lan, zergatik atera zien argazkia beraiei...
Horrez gain, Mozal Legeari aipamen egin eta mehatxu egin zioten kazetariari, argazkiak ez ezabatzekotan horrek izan zitzakeen ondorioak aipatuta; ertzainei argazkiak ateratzeagatik zigorren bat jaso zezakeela esan zioten, hain zuzen.
Uztarria Komunikazio Taldearen oharra
Uztarria Komunikazio Taldeak atzo gertatu zena salatu nahi du. Uztarriako kazetaria bere lana egiten ari zen, eguneroko legez; Azpeitian egiten ari ziren ekintza baten berri jasotzen, alegia. Argazkiak ateratzea kazetarion ohiko egitekoa da, baina ohikoa ez dena da eguneroko lan hori egitea oztopatuz, poliziak galdeketa egitea eta kazetaria identifikatzea. Ez da ohikoa, zorionez, eta ez da onargarria Uztarria Komunikazio Taldearen iritziz. Ezin dugu ulertu poliziaren jarrera hori.
Herri hedabidea garen partetik, gure xumetasunean, erasotuta sentitu gara. Egunerokoan askatasun osoz egiten dugun jarduera arruntari mugak jartzea nahi izan dutela uste dugu, eta horrekin prentsa askatasuna ere urratu dutela.
Gaur, uztailak 1, urtebete da Espainiako estatuan Herritarren Segurtasunerako Legea –Mozal Legea bezala ezagutzen dena– indarrean jarri zela. Lege hori aplikatuta, besteak beste, segurtasun indarren irudiak hedabideetan ateratzeagatik 30.000 eurora arteko zigorra jaso daiteke bueltan.
Eusko Legebiltzarrak 2014ko otsailean Mozal Legea bertan behera uzteko eskatu zuen, honako alderdi hauen babesarekin: EAJ, EH Bildu, PSE-EE eta UPyD. PP izan zen aurka agertu zen alderdi bakarra. Joan den ekainaren 22an, berriz, Mozal Legea Gipuzkoan, Araban eta Bizkaian ez aplikatzeko konpromisoa hartu zuen Eusko Legebiltzarreko Giza Eskubideen, Berdintasunaren eta Herritarren Partaidetzaren Batzordeak aho batez, PPk salbu. ARGIAk egin zien proposamena alderdi politikoei.
Joan den urteko uztailetik aurtengo martxora bitartean Ertzaintzak 3.959 isun jarri ditu Mozal Legea erabiliz, Eusko Jaurlaritzak emandako datuen arabera.
Albiste hau Uztarriak argitaratu du eta CC-by-sa lizentziari esker ekarri dugu ARGIAra.
Urriak 29 goizean egin da Gasteizen, Arabako Mendiak Askeko ordezkari moduan identifikatu eta Mozal Legearen bidez jarri zioten isunari buruzko epaiketa. Lurraren defentsan ari diren kideak atarian batu dira elkartasuna adierazteko eta zera adierazi dute: "Nahikoa da esan... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Asteartean EH sareko partaide batek Mozal Legearen bidez jasotako isun baten harira epaiketa izango du. Mendian, sarraskitu nahi dituzten mendi horietan ibiltzearren eta lurraldearen, lurraren, zaintzan eta defentsan aritzearren ertzaintzaren jazarpena jasan zuen. Beste behin... [+]
Iturrietako Mendietako lehen mendi martxa antolatzen ari zirela, 2021ean, kide bat identifikatu zuen ordezkari gisa ertzaintzak eta Mozal Legearen bidez isuna ezarri zion. "Muntai poliziala" salatu du Arabako Mendiak Askek eta zera aldarrikatu du: "Lurraren eta... [+]
Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.
Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]
Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]