Internet bidez Daesh talde yihadistaren ideologia eta atzerriko borrokalariek Sirian egindako ekintzen irudiak zabaltzea egozten diote jatorriz marokoarra den gazteari, Naiz hedabideak azaldu duenez. 2013tik hona sare sozialetan egindako argitalpenak ikertzen ari da Guardia Zibila, Yihada behin eta berriz goraipatu, Islamaren defentsan borroka armatua aldarrikatu eta Daeshen buruzagiei gorazarre egin ahal izan dielakoan. Sare sozialetako bere perfilean, atxilotuak talde armatu horiek egindako erasoak ospatu dituela diote, eta 2001eko irailaren 11ko atentatuak ospatzeko urteroko zita ere jarrita zuela.

Haren etxea miatzen ari dira.