Urkullu: “Aldebikotasunaren bidez akordioak lortzeko eredua da Euskadi”
Eusko Legebiltzarreko Politika Orokorreko Plenoan, Iñigo Urkullu Lehendakariak Kataluniako egoera zeharka soilik aipatu du eta ez du erabakitzearen eskubidearen aldeko aipamenik egin. EH Bilduko parlamentariek demokraziaren aldeko kamisetak dituzte soinean.
Nazioarteko analisian lau gako aipatu ostean "Estatuaren lurraldatasunaren ereduaren gatazkari era eraikitzailean heldu ez izana akats larria" dela adierazi du. Lehendakariaren arabera "ezin da ulertu Espainiako Gobernuaren geldotasuna edo geldikeria". Legezko eta akordiozko itunaren alde egin du, baina ez du erreferendumaren, eskubide zibilen edo erabakitzearen eskubidearen gaineko inolako aipamenik egin.
Elkarrizketaren bidea babestu du, eta EAEn akordioren alde egindako lanak goraipatu ditu. Bere iritziz "agertoki berri bat lortu dugu, aldebikotasunak bere esparruaren zati bat berreskuratu du".
Espainako Gobernuarekin itun ekonomikoa eta kupoaren negoziazioa jarri du Lehendakariak akordioen eredu gisa. "Aldebikotasunak, ulermenak, elkar ezagutzak eta legezkotasunak aukera ematen digute akordio itun berri bat lortzeko, Euskadiren eta Estatuaren harremanenei dagokionean".
Autogobernuaren Ponentzia
Krisi ekonomikoaren gaineko hainbat orokortasunez gain, xehetasunak ematen saiatu da Urkullu Autogobernuaren auzian. "Euskal nazioaren berezitasunak" aitortuko dituen estatus berria proposatu du, eta Estatuarekin balizko akordioa aldebikotasunean oinarritu behar dela errepikatu du.
Itun ekonomikoa eta politikoa oinarri izan behar duen estatutu berriak, Espainiako Estatuan den lurraldetasunaren krisiari irtenbidea eman beharko liokeela iritzi du, eta jakinarazi du elkarrizketa abiatu "nahi duela" Espainiako Gobernuarekin.
Herritarrek beren iritzia defendatzeko eta erabakitzeko eskubidearen alde egin du amaieran, "baina legalitate printzioaren barruan egiten bada, soilik". Zuzenean Katalunia aipatu gabe, bermerik gabeko galdeketa bat ez duela babestuko adierazi du.
Bizikidetza
Bizikidetza Planari dagokionez "indarkeriarik gabeko lehen belaunaldia garela" uste du Urkulluk, baina oraindik "amaiera ematen jakin" behar dela. Preso politikoen gaiaz, sakabanaketarekin bukatu behar dela adierazteaz gain, lau oinarri edo baldintza jarri ditu: norbanakotza, gizatasuna, kaltearen aitortza eta birgizarteratzea.
Biktimen alorrean, ekimenak biderkatu behar direla guztien sufrimendua arintzeko, eta biktima guztiei zor zaien begirunea eta erreparazioa aipatu ditu.
ETAren armagabatzean Frantziako eta Espainiako Estatuek izandako jarrera txalotu du.
"Ez nire etxe ondoan”, horretan laburbildu zituen Iñigo Urkulluk, bere hitzaldian, berriztagarrien auzian Eusko Jaurlaritzari egiten zaizkion kritikak. Berekoiak ikusten gaitu; ez diogu erronkari behar bezala begiratzen, eta ez gara gai interes orokorra... [+]
Alderdi Eguna ospatu du EAJk igandean, Forondan. Andoni Ortuzarrek azpimarratu du EAJri "berriz ere ilusioa piztea" dagokiola, baita errealitate eta erreferente berrietara irekitzea ere.
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.
EAEko lehendakariak Kantabria, Asturias eta Galiziako presidenteak deitu ditu bilkura batera, besteak beste, egoera aztertzeko abiadura handiko trenak Hendaian oraingoz konexiorik izango ez duela-eta.
Bilboko 10 zenbakidun Instrukzio Epaitegiak ikerketa abiatu du, iazko udan gauzatutako atxiloketa baten grabaketan Poliziak egindako eraso bat antzeman ostean; zortzi ertzainek daukate atxiloketarekin lotura. Grabaketa baten antzeman daiteke ertzainek nola kolpatzen dituzten bi... [+]
Politika Orokorrari buruzko Eusko Legebiltzarreko oso bilkuran, EAEko lehendakariak autokritika egin du pandemiaren kudeaketaz, eta “egoera berria eta ezezaguna” izan dela jarri du akatsak egiteko arrazoien atzean.
(Alonsotegi, 1961). Euskal Filologia ikasia. EAJko EBBko presidentea 2007tik. EAJk eta ezker abertzaleak gaur egunean ez dutela “estrategia bateratua” partekatzerik, esan digu, baita hau esan ere: “Ezker abertzaleak hartu duen ibilbidea betez gero,... [+]
EAEko Auzitegi Nagusiak ez du baimenik eman alarma egoera kendu ostean itxiera perimetralak, etxeratze-agindua eta bileretan lau laguneko muga ezartzeko, publiko egin berri duen epai batean. Eusko Jaurlaritzak neurri horiek dekretu bidez ezarri nahi zituen, baina auzitegiak... [+]
Enpresak sustraiak Euskal Herrian mantentzeko bermeak daudela ziurtatu du EAEko Lehendakariak. Operazioak piztu duen kezkari garrantzia kendu dio.
Iñigo Urkulluk asteartean adierazi du "sentitzen" duela Nahuel Gomezi gertatua. Ertzaintzak pilotakada batekin masail-hezurra hautsi zion Sansebastian egunez, lanetik etxera bidean zihoala. Naiz-en galderei erantzunez egin ditu adierazpen hauek, baina gertaera... [+]
Mugimenduari buruzko "ikuskera distortsionatua" erakutsi duela salatu du eta "erabakitzeko eskubidearen defentsan" berretsi da.