Uribetxebarria, baldintzapean aske
Espainiako Auzitegi Nazionaleko Zigor Aretoak ez du aintzat hartu fiskaltzaren helegitea. Baldintzapean aske geratuko da Uribetxebarria (3. graduan). Epaia irmoa da, behin-betikoa. Erabakia atzo jakinarazi zieten Donostiako Ospitaleko arduradunei, eta Uribetxebarria edozein momentutan aska dezakete. Lau magistratuk eman zuten preso arrasatearra libre uztearen aldeko botoa, eta bakarrak kontrakoa. Albistea jakin ondoren Uribetxebarriaren bideo hau publiko egin zuen kasu honen jarraipen berezia egin duen Ateak Ireki kolektiboak.
[Asteazkena]
Auzitegi Nazionaleko forentsearen txostenaren arabera, Uribetxebarria ez dago hilzorian, eta fiskalak aske ez uzteko erabakiari eusten dio, El Mundo egunkariak aurreratu duenez. Txostenak dioenez, Donostiako medikuek ere onartu dute presoaren egoerak hobera egin duela. Txostena irakurri ostean, Auzitegi Nazionaleko Zigor Aretoak Uribetxebarria aske utzi ala ez erabakiko du. Arratsaldeko 17:00etan bilduko dira magistratuak.
Gaur erabakiko du Auzitegi Nazionaleko Zigor Aretoak Uribetxebarria aske utzi ala ez. Arratsaldeko 17:00etan bilduko dira magistratuak, baina lehenik auzitegiko mediku-forentsearen txosten berria eduki nahi dute esku artean. Uribetxebarriaren egoerak okerrera egin du aste eta erdian, Herrira mugimenduak jakinarazi duenez 47 kilo baino ez ditu pisatzen eta ezin du ohetik mugitu.
Fiskaltza Auzitegi Nazionaleko Carmen Baena mediku-forentsearen esanetan oinarritu da José Luis de Castro epailearen ebazpenari –presoa aske uztea erabaki zuen, Donostiako ospitalean bisita egin eta gero– errekurtsoa (pdf) jartzeko. Aitzitik, mediku-forentseak ez zuen Uribetxeberria bertatik bertara aztertu, epaileak agindu zion moduan, eta urrutitik egindako txostenean ondorioztatu zuen Arrasateko presoaren gaixotasuna espetxean artatu zitekeela. Mediku-forentsearen txosten eguneratuak Uribetxebarriaren egoeraren larritasuna onartuz gero, giltzarri izan liteke fiskaltzak iritziz aldatu eta magistratuek gaur haren askatasuna onartzeko. Goizean zehar igorriko dio Baenak txostena Zigor Aretoari.
Fiskaltzaren eta Auzitegi Nazionaleko De Castro epailearen artean ika-mika sortu da auzia dela-eta. El País egunkariaren arabera, fiskaltzak epaileari egotzi dio Donostiako ospitaleko azterketa onkologiko bat ezkutatzea; Uribetxeberriaren metastasiaren berri ematen da bertan. Ospitaleak Osakidetzaren eskuetan utzi zuen azterketa, Auzitegi Nazionalari helarazteko, baina ez zen Madrilera iritsi. Auzitegi Nazionaleko barne tentsioak berriz ere agerian utzi ditu kasuak. Bien bitartean, Espetxeetako Zuzendaritza Nagusiak Josu Uribetxebarriari hirugarren gradua eman zionetik ia lau aste igaro dira.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"
2019ko zerrendatik bi izen atera dira: Aitzol Gogorza, espetxeratze arinduan, eta Jose Angel Otxoa de Eribe, berriki zendua. Duela hamar urte baino hamahiru preso larri eta sendaezin gehiago daudela ohartarazi du Etxerat elkarteak.
Euskal Herrian jaio izanaren ordaina izan da gatazka mingarri batean harrapatuak egotea. Aukera bat izan zitekeen ez ikusiarena egin eta ezer gertatuko ez balitz bezala bizitzen saiatzea. Zilegi izan daiteke.
Jose Ramon Lopez de Abetxuko preso ohiak eta Txeman Matanzas abokatuak preso gaixoen egoeraren inguruko hitzaldia eman dute Gasteizko unibertsitateko campusean. Aretoak gainezka egin du. Aurretik Esteban de Garibay elkarte eskuindar unionistak hitzaldiaren aurkako kontzentrazioa... [+]
EHUren Gasteizko campusean egingo da hitzaldia, asteartean. Esteban Garibai elkarteak hitzaldiaren kontrako elkarretaratzea deitu du, hitzaldia hasi baino ordu laurden lehenago. Hizlariaren aurkako jazarpenarekin aurkako “sufrimendu jakin bat” estali nahi dela salatu... [+]
Ibon Fernandez Iradi euskal presoak egindako zigor etete eskaera onartu du Parisko Zigor Aplikazioen Auzitegiak, baina Fiskaltzak jarritako helegitea medio, haren askatasunari buruzko azken erabakia bi hilabete barrura arte atzeratu da. Esklerosi anizkoitza du Lasarte-Oriako... [+]
Espainiako Estatuak darabilen kartzela politikak euskal presoen eskubideak urratzen ditu eta urraketa horien txostena aurkeztu dute Sare Herritarrak eta EHUko Ikasmirak elkarteak. Txostena Nazio Batuen Erakundeko Giza Eskubideen Batzordera eramango dute orain.
Larunbatean jarri zuten abian kanpaina Bakearen Artisauek. Uztailaren 5ean Parisko Zigorrak Aplikatzeko Auzitegiak baldintzapean aske uztearen alde egin zuen, baina fiskaltzak helegitea jarri zuen eta preso jarraitzen du.
Urkabustaizko bizilagunak gaixotasun larria du.