Unibertsitate ikasketak debaluatu eta garestituko ditu Werten azken erabakiak
Unibertsitateek graduko ikasketak lau urtetik hirura murriztu eta graduondokoak urtebetetik bira luzatzeko aukerari ateak zabaldu dizkio Espainiako kongresuan PPk onartu berri duen dekretuak. Erabakiaren kontra agertu da Euskal Herriko hezkuntza komunitatea.
“4+1” sistema “3+2” bihurtu ahal izatea desegoki ikusi dute bai EHU eta NUP unibertsitate publikoko errektoretzek, bai ikasleek. Duela bost urte erabaki zen 4+1 ereduaren emaitzak ebaluatu aurretik aldatzeak “nahasmen izugarria” ekarriko duela salatu dute errektoretzek.
Karrerak hiru urteko gradutara igarota, hauek balioa galduko dute: dekretuak berak dioenez “oinarrizkoak eta orokorrak” izango direnez, ondoren graduondoko master espezializatuak egitera behartuta ikusiko dute ikasle askok beren burua, lan merkatuan sartu ahal izateko.
Ikasketen garestitzea da horren ondorio zuzena, graduko ikasketak baino askoz garestiagoak baitira masterrak, eta a priori ikasleak berak egin beharko dio aurre garestitzeari, desoreka egoerak sorraraziz.
Eredu berria ezartzea unibertsitate bakoitzaren aukera izango bada ere, praktikan dirua eta lehia presio handia izango direla nabarmendu dute, desoreka handiak sortuko baitira unibertsitate batzuen eta besteen artean. “Aurrekontua osatzeko presioa kontuan hartu beharko da. Eta adibidez Zaragoza edo Errioxako unibertsitateek hiru urteko graduak eskaintzen badituzte, nola mantendu ahal izango dugu guk lau urtekoa?”, adierazi du Txus Pintor NUPeko errektoreordeak. “Azkenean, enpresek eta Espainiako Estatuak 3+2 ereduko unibertsitateak bultzatuko dituztenez, besteek baliabiderik gabe ez geratzeko eta Europako goi hezkuntza esparruan ‘lehiatu ahal izateko’ euren burua 3+2 eredua ezartzera derrigortuta ikusiko dute”, uste dute Ikasle Abertzaleek.
Ikasleak kalera irtengo dira otsailaren 26an
Otsailaren 26an kalera ateratzera deitu dute Ikasle Abertzaleek, dekretuak unibertsitate erreformari eta “EU2015 estrategiak ezarritako pribatizazio eta merkantilizaziorako bideari” erantzuten diola salatzeko. “Ikasleok gure eredu propioa eraiki eta aurrera eramaten hasi behar dugu, herritik eta herriaren mesedera dauden hezkuntza proiektuak praktikara eraman behar ditugu”, diote, eta hori aldarrikatuko dute otsailaren 26ko mobilizazioetan.
Ikasle Abertzaleen izenean martxoaren 17ra arteko dinamiken eta eguna beraren balorazioa plazaratu dute. Jarraian irakurgai.
“Ikasle baterajotze nazionala” deitu dute Ikasle Abertzaleek martxoaren 17an, Euskal Herriko herrialde guztietako borrokak bateratzeko asmoz.
Milaka ikaslek Bilboko karrikak hartu dituzte erreformei aurre egiteko Bizkaiko Ikasle Abertzaleak, Bilboko eta Leioako ikasle mugimenduak deitutako greba egunean.
Joan den astean, kalera atera ziren ikasleak, dagoeneko egosten ari diren unibertsitate erreformaren aurka protestatzeko. Erreforma oraindik aurkeztu ez bada ere, Espainiako Gobernuak eskatutako adituen txostenean oinarrituz hona laburrean aurreikus ditzakegun hainbat puntu.
“Armiarmak lehoi bat hiltzeko gai izaten dira beren sareak batzen dituztenean”, dio esaera etiopiar batek. Batasunak indarra omen dakar.
Ikasleak kalera atera dira Hego Euskal Herrian unibertsitate erreformaren barruan berriki dekretu bidez onartutako 3+2 sistemaren aurka protesta egiteko, Ikasle Abertzaleek deituta. LOMCE eta Heziberri ere jomugan dituzte ikasleek.
Espainiako Gobernuak unibertsitateetan 3+2 plana ezarri nahi duela-eta, otsailaren 26an kalera aterako dira ikasleak, Ikasle Abertzaleek deituta.LOMCEren aurka ere aterako dira, Espainiako Estatuko trantsizio garaitik egingo den 13. hezkuntza erreforma dena.
Otsailaren 26an ikasleak kalera aterako dira, LOMCE, EU2015 unibertsitate erreforma eta berriki dekretu bidez onartutako 3+2 sistemari aurre egiteko, Ikasle Abertzaleek deituta.
Desobedientziaz Irauli! Astea egin dute ikasleek, datorren unibertsitate erreformaren aurka. Manifestazio eta protesta ekintzez gain, txostena, bideoa (ikusi behean), asanblada informatiboak, tailerrak eta hitzaldiak antolatu dituzte, erreformaren arriskuez ohartarazteko... [+]
Unibertsitate Erreforma aurrera ateratzeko estrategiaren barruan kokatzen dute Ikasle Abertzaleek azaroaren 27an onartuko den EHUren berrantolatze organizatiboaren lehen fasea, "aldaketa sakonagoei bide emateko lehenengo keinua". Erreforma "Boloniaren... [+]
Ostegun goizean bi polizia operazio izan dira Hego Euskal Herrian. Batetik, hainbat ikasle atxilotu dituzte Iruñean, martxoaren 27ko grebarekin lotuta. Bestetik, Bilbon hiru pertsona atxilotu ditu Ertzaintzak, dirudienez, Troikaren Aurka Martxoaren 3an izandako... [+]
Greba eguna da gaur, osteguna, Hego Euskal Herriko ikastetxe eta unibertsitateetan. LOMCE legearen aurka eta hezkuntza nazionalaren alde atera dira kalera ikasleak, IAk deituta.