Hezkuntza unibertsal eta kalitatezkoaren alde jaio zen Unescoren Hezkuntza Mundu Foroa. Aurtengo edizioak, baina, kutsu merkantil eta ekonomizista arriskutsua izan duela eta ez dela kasualitatea kritikatu dute 225 hezitzaile, akademiko eta ikerlarik.
Unescok egin duen norabide aldaketaren adibidetzat dute Hego Korean maiatzean egin zen Hezkuntza Mundu Foroa. Erakunde finantzario eta ekonomikoei eman zitzaien protagonismoa eta irakasle eta hezitzaileek izandako leku urria salatu dute bost kontinenteetako 30 herrialdetako 225 lagunek, Irina Bokova Unescoko zuzendari orokorrari bidalitako eskutitzean. Jarraian, eskutitzaren pasarte batzuk:
“Politika eta ekonomia neoliberalak bultzatzen dituzten organismo ekonomizista eta finantzario transnazional jakinen presio gogorraren ondorioz, garapen integralera eta zoriontasunera bideratutako heziketa albo batera geratzen ari da”.
“Hezkuntzaren ikuspegi merkantilista dutenen hitzaldi luzeak entzun genituen, aldiz organismo ekonomiko globaletatik at dauden bestelako begiradak apenas izan ziren Mundu Foroan. (…) Zeinen ederra izango zatekeen bost kontinenteetako irakasle, intelektual eta ikerlariei ahotsa ematea, hezkuntzan garatzen ari diren ikuspegi eta esperientzia anitzen lekuko. Zeinen itxaropentsua izango zatekeen, azkenaldian hezkuntza jasaten ari den eraso neoliberalari erresistentzia egiten dioten milioika profesionalei ikusgarritasuna ematea”.
Ikuspegi merkantiletik antolatutako proba estandarizatuak, hezkuntzaren neurgailu
“Eraso horren isla da, adibidez, ikuspegi merkantiletik erakunde ekonomiko globalek antolatzen dituzten proba estandarizatuak, eta hezkuntzaren kalitatea horien bidez neurtzea. (…) Foroan protagonismo nagusia ELGAri eta berak sustaturiko PISA probei ematea eta ebaluatzeko beste proiektu asko bazterrean uztea penagarria da”.
“Nazioarteko Diru Funtsak ezin du hezkuntza sistemen norabidea finkatu”
“Gizakia bere dimentsio guztietan kontuan hartzen duen ikuspegi pedagogikoa falta da; ekonomia liberalari mesede egingo dion dimentsioa baino ez da aintzat hartzen. (…) Munduko Bankua eta Nazioarteko Diru Funtsa bezalako erakundeek ezin dute hezkuntza sistemen norabidea finkatu”.
“Itzalaldi Pedagogiko Globalera garamatzan joeraren beldur gara, bide horretan doazelako inposatzen dizkiguten heziketa, gerentzia eta ebaluazio ereduak, baita derrigorrezko curriculumen kontrol interesatuak ere, homo economicus eta homo consumens bilakatu nahi gaituztenak”.
LOMCE politikoki ere jada ez da legitimoa
Merkatuaren ikuspegitik instrumentalizaturiko hezkuntza sistemez ari gareno, burura LOMCE datorkigu ezinbestean. LOMCE bertan behera uztearen aldeko manifestua atera berri dute eta 23.700 sinadura baino gehiago lortu ditu dagoeneko Espainiako Estatuan.
Azkeneko hauteskundeek Estatuan utzi duten panoramak dio legearen kontra dauden alderdiak bozkatu dituzten herritarrak gehiago direla, eta beraz politikoki ere legeak ez duela zilegitasunik. Zehazki, hamabi erkidego daude LOMCEren aurka eta Estatuko herritarren %70 ordezkatzen dute.
“LOMCE autosuntsitze bidean da”
“LOMCE autosuntsitze bidean da eta hezkuntza komunitate osoa bide horretan amiltzea arduragabekeria handia litzateke”, dio manifestuak.
Horregatik, Espainiako hauteskundeak itxaroten geratu ordez, “administrazioan lan egiten dutenei, teknikariei, zuzendariei, hezitzaileei, irakasleei, gurasoei… eskatzen diegu manifestuarekin bat egin eta datorren ikasturtean LOMCE bertan behar uzteko eska dezatela”.
Plaza eskatu duten guztiak onartuak izan dira onarpen-sistema berria eta zikloaren doakotasunari esker. 12.000 euro baino gutxiagoko errenta duten familien 297 umek izango dute plaza.
"Irudia zuritzeko" estrategiak erabiltzen dituzte energia arloko enpresa nagusiek. Ekintza positiboak azpimarratu eta inpaktu negatiboa "estaltzen" dutela ondorioztatu du ikerketan parte hartu duen EHUko doktoregai Goizeder Blancok.
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.
Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean,... [+]