Udalek Zubietako erraustegiaren zorra “derrigorrez eta lehentasunez” ordaindu beharko dute 35 urtean
Gipuzkoako Hondakinen Kontsortzioak uztailaren 28an abiatuko duen esleipenetik sortutako zorra udalek nola ordainduko duten auditatu du Deloittek txosten batean. Erraustegia finantzatzeko "salbaguardia" nahikoa badagoela ondorioztatu du.
Gutxi barru egingo du Gipuzkoako Hondakinden Kontsortzioak (GHK) Zubietako erraustegiaren esleipen-pliegoak onartzeko batzar erabakigarria. Operazioa burutzeko hainbat txosten prestatu ditu sozietate amankomunatuak, eta tartean Deloitte auditatze enpresari txostena (pdf) eskatu dio erraustegia eraiki eta datozen 35 urteetan bere ustiapena ordaintzeko kreditu nahikoa izango ote duen jakiteko.
Txosten horretan banan-banan zehazten dira kontsortzio barruan dauden mankomunitateetako udalak zertara derrigorturik aurkituko diren hilaren 28an sinatuko dutenaren ondorioz sortutako zorra ordaintzeko.
Udalek ezin izango dizkiote beren hondakinak GHK ez beste inori eman eta honek ezarritako tarifak –zein nahi direla ere– "derrigorrez eta lehentasunez" ordaindu beharko dituzte. Udal batek kontsortzioak inposaturiko kuota ordainduko ez balu, Gipuzkoako Foru Aldundiak udal horrekin dituen beste kontzeptu batzuetatik likidatuko dio diru-kopurua. Bestalde, inor kontsortziotik aterako balitz, derrigortuta legoke zorra berdin-berdin ordaintzera amaiera arte, eta banaketa horrek sorturiko "gainkostuak" ere ordaindu beharko lituzke.
Deloittek 35 urteko "denbora hipotesia" erabili du bere azterketa egiteko, 2016ko urritik hasi eta 2051ko urrira arte. Tarte horretan proiektu osoak –erraustegiaren esleipena, eraikuntza eta ustiaketa– 1.568 milioi euroko kostua izango luke, eta udalek kopuru horren 1.407 milioi euro jarri beharko lituzkete, kuotak ordaintzeko ezarritako baldintza zorrotzen bidez.
Auditatze enpresaren ustez, modu horretan, "urtero sortuko den finantzazio publiko beharrari aurre egiteko kreditu nahikoa" egongo da, horretarako "salbaguardiak" ezarri direlako.
Suhiltzaileek beste sute bat itzali behar izan zuten abenduaren 27an Zubietako erraustegian.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.