Txorrotako ur gehiena plastikoz kutsatuta dago ikerketa batek erakutsi duenez
Hainbat herrialdetan egindako ikerketa batek plastiko partikulak atzeman ditu txorrotako uretan. Batez beste, mikroplastikoak aurkitu dituzte aztertutako laginen %83tan. Partikula horiek gure osasunean duten ondorioez ikertu beharra azpimarratu dute zientzialariek.
Orb Media webgunearen eskariz egin dute azterketa Minnesotako Unibertsitateko ikerlariek, mundu osoan hartutako 159 lagin aztertuz. Kutsadura ratio handiena AEBetan neurtu dute: %94. Txikiena, berriz, Europan, baina handia hala ere: %72. Orain arte, ozeanoetan pilatutako plastikoak eragin du kezkarik handiena, baina ikerketa honek, aurretik egindako beste batzuekin batera, iradokitzen du nonahi dagoela kutsadura mota hori.
“Plastikoak animaliengan duen inpaktuari buruzko datu nahikoa dugu kezkatuta egoteko”, adierazi du Sherri Mason ikerketaren koordinatzaileetako batek; “basa faunan eragina badu, gugan ere izango duela pentsatu beharko genuke”.
Ekainean Irlandan egindako antzeko ikerketa baten zuzendariak, Anne Marie Mahonek, ahalegin berezia eskatu du txorrotako urarekin batera irensten dugun mikroplastikoen eragina aztertzeko. “Bi kezka nagusi ditugu: oso partikula txikiak eta haiek beren barnean gorde ditzaketen substantzia kimiko kaltegarriak eta patogenoak”. Mahonen esanetan, baliteke zenbait partikula nanoeskalakoak izatea –orain arte egindako ikerketetan atzemateko txikiegiak–, eta beraz zeluletaraino sartu ahal izatea. “Hori oso kezkagarria lizateke”.
Bestalde, Orb Mediaren eskariz egindako ikerketak mikroplastiko zantzuak aurkitu ditu aztertutako ur botilen portzentaje txiki batean.
Aire bidez ere bai
Oraindik orain hasi gara mikroplastiko bidezko kutsaduraren neurria norainokoa den ulertzen. Ikerketaren berri emateko The Guardian egunkari ingelesak argitaratutako artikuluak aipatzen duenez, 2015ean Parisen egindako ikerketa batek mikroplastiko kopuru esanguratsuak aurkitu zituen airean. Arnasteak eragin lezake substantzia toxikoak biriken beheko aldera eta hortik odol zirkulaziora iristea. “Premiazkoa da mikroplastikoak gure gorputzean sartzeak osasunerako arriskurik dakarren ebazteko ikertzea”, esan dio The Guardian-i Frank Kelly ingurumen-osasun irakasleak, txorrotako uretan atzemandako plastikoaz galdetuta.
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
Erakunde ekologistatik kezkatuta ikusten dute Barakaldo eta Erandio arteko zubia eraikitzeko itsasadarraren hondoko 87.000 metro kubiko; dragatzearen iragarpena. Diru publikoaren xahutzea, arduragabekeria eta agintarien planifikazio falta salatu ditu, baita obrak... [+]
Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Pertsonen eta txakurren testikuluetan mikroplastikoak topatu dituzte maila esanguratsuetan. Eta ikertzaileek ohartarazi dute litekeena dela horrek eragina izatea ugalkortasunaren jaitsieran. Toxicological Sciences aldizkarian argitaratu dute ikerketa.
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Astelehenean egindako inspekzioaren ostean hartu da erabakia, azken asteetan izan diren istripuen harira.
Aixa Barbarin López urpeko arkeologoa da, eta, aitortu duenez, txiki-txikitatik izan nahi izan zuen arkeologoa. Hortaz, unibertsitatera joateko garaia iritsi zitzaionean, historia ikastea hautatu zuen, EHUn, eta arkeologian murgildu zen. Urpeko arkeologian aritzea, ordea,... [+]
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Euskal Herrian 28 ikastetxe-ingurune aztertu dituzte: 28ek Osasunaren Mundu Erakundeak segurutzat duen kutsadura maila baino kutsadura handiagoa dute eta %75ak ez du lortzen Europako Batzordeak berak onargarritzat duen kutsadura maila. Maiatzaren 10ean kalera aterako dira... [+]
York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
