Txerokiera, frisiera, eta esperantoa ezagutzeko aukera izango da Oihaneder Euskararen Etxean
Sei hizkuntza landuko dituzte Gasteizko Euskararen Etxean ikasturtean zehar. Txerokieraz, frisieraz eta esperantoaz gain zeinu hizkuntzak, kokama eta kaxubiera aztertuko dituzte.
Sei hizkuntza landuko dituzte 2017-2018 ikasturtean.
“Hitz Adina Mintzo” zikloa Urtzi Urrutikoetxeak hasi du irailaren 27an Europako hainbat hizkuntza hizpide dituela. Urrian Durk Gorterrek frisierari buruz hitz egingo du; azaroan Aitor Arana esperantoaz arituko da; urtarrilean Miren Lazkanok eta Ainitze Laskurainek zeinu hizkuntzak landuko dituzte; otsailean kaxubieraz hitz egingo du Maialen Sobrinok; martxoan Roberto Awa Nari kokama herritar euskaldunak kokamera hizkuntzaren aldaera den tupi-guaraniera aldaera landuko du; eta apirilean Misha Beckerrek ekialdeko txerokieraz hitz egingo du.