17:30ean abiatu da "zuen turismoa gazteon miseria" lelopean Ernaik Donostian deitutako manifestazio jendetsua. Azken asteetan polemika handia izan da gaiarekin eta hedabide ugari gerturatu dira. "Kalitatezko turismoaren aurrean, kalitatezko bizitzak" eskatu dituzte.
Gutxitan sortzen du gazte mugimenduak deitutako kanpaina batek oraingoan bezain beste arreta. Arran eta Ernai gazte antolakundeek turismo masifikatuaren eta hiri ereduaren eztabaida mahia gainean jartzeko kanpaina arrakastatsua izan dela esan dute: “Agintariak urduri jarri dira, beren urrezko arrautzen ukitu dugulako”.
Bulebarrean hasi eta Zuloaga plazan amaitu da mobilizazioa, eta bertako hitzartzean eztabaida zabaltzearen beharra azpimarratu dute, kriminalizazioa salatzearekin batera. “Haurrak izango bagina bezala tratatu gaituzte, eztabaidari heldu nahi ez izateko. Baina eztabaida kalean dago, aldaketa guztiak hasten diren lekuan”.
Eztabaida turismo ereduaz harago doala aldarrikatu dute: “Ez da turismoa, kapitalismoa da. Hiri eredu neoliberala da eztabaidatu behar dena eta bere baitan etxebizitza, espazio publikoaren kudeaketa eta lan eskubideak”.
Bizitza erdigunean jarriko duen hiri ereduaren aldeko lana txalotu dute Ernaiko kideek eta bereziki haiek baina lehen turistifikazioaren arazoa landu duten Auzo Elkarte, Jai Batzorde eta gazte taldeen lana.
Ekimena egin dute Gasco eta Goiaren irudiak apurtuz eta mobilizazioekin jarraitzeko deia egin dute.
Postaletako hirien gainetik #HerriaBizirik ! pic.twitter.com/dEabpqymyd
— Ernai #HerriaBizirik (@ernaigazte) 2017(e)ko abuztuak 17
Sorturen ordezkaritza batek parte hartu du mobilizazioan eta kaleratu duten oharrean Ernairen kontrako intoxikazio mediatikoa salatu dute, eztabaida desitxuratu eta protesta kriminalizatzeko helburua besterik ez duelakoan.
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
Donostiako Alde Zaharreko taberna askoren pintxoak alde zaharrean sartzeko baimena duen furgoneta batean datoz zerbitzua ematera. Beste tabernetan, prestatzen duten tortilla patata pintxoa jateko, goizeko furgoneta alde zaharrean sartzen den orduan ilara egin eta txanda hartu... [+]
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
"Kaleetatik ezin pasa", hondarribiarrak "masa turistiko honen guztiaren ondorioak pairatzen" ari direla-eta, turista taldeak 25 pertsonara mugatzeko mozioa aurkeztuko du udaleko alkatetza duen Abotsanitz alderdiak: "Azken urteetan agintariek bilatutako... [+]
Donostiako hainbat auzo elkarte eta gizarte mugimenduk osatzen duten Donostia Defendatuz koordinadorak antolatuta, hiri eredu bizigarri baten aldeko manifestazioa egin dute igandean ehunka lagunek. 42 talde sozial eta auzo elkartek egin dute bat deialdiarekin, eta 12:00etan... [+]
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.
Donostiako Parte Zaharrean turistei zuzendutako saltoki eta ostalaritza guneak bizilagunei eragindako kalteen eragile nagusiak direla adierazi du Bizilagunekin plataformak.
Delta hegal eta parapente hegaladiak proposatzen dituen Bidasoa Arxuria Group enpresa pribatuaren onurarako eraiki nahi dute errepidea. Zugarramurdiko eta Sarako herritarrak eta hautetsiak aurka badira ere, errepidea egitearen alde bozkatu berri du Baztango Udalak.
Urrian turismoaren inguruko bi biltzar egingo dituzte Gipuzkoako hiriburuan, Bizilagunekin plataformak antolatuta. Salatu du azken urteetan Donostia "turismoaren bidez negozioak egiteko gune gisa" nabarmendu dela estatuan eta nazioartean.