Tristezia eta haserrea Madrilgo Lavapiés auzoan Mame Mbaye kale saltzailearen heriotzagatik
Mantero eta Lateroen Sindikatuak kontzentrazioa deitu du ostiralerako Mame Mbayeren omenez, Madrilgo erdigunean ostegunean hil zen. Deialdiak hainbat hiritan oihartzuna izango du, eta Euskal Herrian, Iruñean kontzentrazioa deitu dute 18:00etan Navarreria plazan.
Lehenenik, itxaron beharra. Ondoren, haserrea haziz joan zen. Bi ordu luzez, osasun zerbitzuen eta Espainiako Poliziaren operatibo batek karpa batean izan zuten Mame Mbaye, gazte senegaldarra. 14 urte zeramatzan Madrilen bizitzen eta ostegunean hil zen Lavapiés auzoan.
Bi ordu informaziorik gabe, Mbayeren dozena bat kiderekin albisteen zain. Eta albisterik txarrena heldu zen. Sareek eman zuten. Ez zuen inongo polizia-bozeramailek edo udal-bozeramailek azaldu zergatik hil zen Mbaye arratsalde horretan Madrilgo erdigunean.
Baieztapenaren ostean, haserreak leher egin zuen. Hilabeteetan salatu du mantero eta lateroen kolektiboak Poliziaren jazarpena eta buroerrepresioa, argi eta garbi seinalatuz Madrilgo Udaltzaingoa. Ostegunean, martxoaren 15ean, Mbaye hil zen, lekukoek diotenez, jazarpen baten ostean. Bruselaraino joanak ziren salatzera ostegunean gertatu zena gerta zitekeela.
Itxaronaldi latzaren ostean, jabetu ondoren inork ez zuela azalpenik emango, justizia eta “hiltzaileak” oihuek Lavapiéseko kale aldapatsuak hartu zituzten. Ehorztetxeko furgonetaren eta anbulantziaren irteera liskarraren hasiera izan zen. Kale estuak arratoi-zulo bilakatu ziren.
Porra eta ezkutu-kolpeka dispertsatu zituzten inguruan zeuden 300 pertsonak. Objektuak hegan eta edukiontziak kaleetan gurutzatzen hasi ziren. Hortik aurrera, barrikada txikiak, adokin edo galtzada-harriak altxatuta, istiluak, urduritasunak eta eutsi ezineko amorrua.
Mame Mbayeren heriotzaren hurrengo egunean, erretako edukiontziekin eta banketxe batzuen kristalak hautsita esnatu da Lavapiés. Poliziak informatu du sei pertsona atxilotu dituela amorruaren gauean. Horien artean adin txikiko bat. Poliziak adierazi du dozena bat agente zauritu zirela. Beste pertsona batzuek ere zaurituta amaitu zuten gaua, baina ez da jakina ez zenbat diren, ezta beren larritasuna ere, ez baitzituzten osasun zerbitzuek artatu eta ez dute ez prentsan titularrik, ezta bertsio ofizialik ere merezi izan.
Hurrengo eguna plastiko erre usainarekin hasi da, egiaren bila. Mbaye jazarria izan zela frogatzeko lekukoak dauzkate kide eta lagunek. Udaltzaingoaren lehen bertsioak eta sare sozialetako testigantza batzuek zioten ez zela jazarria izan. Beste Polizia iturri batzuek, kasu honetan Espainiako Polizia onartzen du jazarria izan zela. Ahora Madrid alderdiaren Udal Gobernuak ardura handia dauka: auzokide baten heriotzaren ikerketa amaieraraino heltzea.
Bartzelonako manteroen sindikatuak ondorengoa idatzi du: “Madrilgo Udalak dio ikerketa azkarra abiatuko dutela. Gutxi dute ikertzeko. Justizia egingo dela diote. Nola fida gaitezke beren justiziaz? Atzerritarren Legea gisako lege diskriminatzaileak babesten dituen justizia da, pertsonak, errefuxiatuak eta etorkinak zigortzen ditu ohiko lanak egin ezinik bizitzera, sozialki baztertuz, familiak elkartzea debekatuz, estalpea eta eskubide zilegiak ukatzen ditu eta”.
Martxoaren 16 ostirala tristura eta amorruarekin esnatu da. Orain bi urtetik beren aurkako jazarpena areagotzen ari dela salatzen duen Mantero eta Lateroen kolektiboak Mbayeren alde omenaldira deitu du. Besteetan gertatu bezala, egia, justizia eta erreparazioa dira horizonte bakarra Madrilgo auzokide baten heriotza ez dadin pasa, berau ekiditeko hiriak ezer egin gabe.
Kronika hau El Saltok argitaratu du eta CC-by-sa lizentziari esker ekarri dugu ARGIAra. Itzulpena: Lander Arbelaitz.
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Bere Telegram kanalaren bidez jakinarazi du ez dituela deialdi erreakzionario gehiago egingo oraingoz. Aurreko larunbatean, nabarmen egin zuen porrot Eason antolatu zuen kontzentrazioak, eta agerian geratu da kontramobilizazioen eraginkortasuna.
Lo Que No Te Cuentan de Donosti-k 30 pertsona soilik batu zituen Easo plazan larunbatean, eta haren aurkako deialdi antifaxistak 300. Bestalde, Gasteizko Errota auzoko mobilizazio arrazisten sustatzaileek auzotik irten eta Gasteiz mailako mobilizazioa deitu zuten iragan... [+]
Lo Que no te Cuentan de Vitoria eta Lo Que no te Cuentan de Pamplona Telegram taldeak sortu ditu Lo Que no te Cuentan de Donosti taldearen administratzaileetako batek berriki. Gasteizko kontuak ez du jarduerarik momentuz, baina Iruñekoak 500 jarraitzailetik gora ditu eta... [+]
Lo Que No Te Cuentan De Donosti taldeak mobilizazio berri bat antolatu du datorren astelehenean, hilak 11, Amara Berrin, Kaleko Afari Solidarioak banatzen diren ordu eta leku berean. Hiriko hainbat eragile antifaxista eta antirrazista batzen dituen plataformak... [+]
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Korrika eta presaka ekarri dute megafonoa. Hau onartezina da. Hau ezin da onartu. Denok batera oihu egin dezagun, ezin dugu honela jarraitu. Zurean ere sartu direla? Bai arrazoi duzu, jo ditzagun txaloak zuretzat. Hurrengo astean hemen batuko gara denok eta aurre egingo diegu,... [+]
Iragarritako heriotza baten kronika. Donostiako Udalak Egiako Kaleko Afari Solidarioak debekatu ditu, «segurtasunaren» aitzakian. Bizpahiru urte dira Egian segurtasuna guztien ahotan dagoela, eta azken hilabeteotan, talde eskuindarren gorakadarekin, egoerak okerrera... [+]
Azken asteetan mobilizazio arrazistak piztu dira Gasteizko Errota eta Donostiako Egia auzoetan, eta biek iragarri dute asteroko deialdiei eusteko asmoa. Haien artean desberdintasunak daude, baita antzekotasun asko ere: sustatzaileak anonimoak izatea, konfrontazioa bilatzea, edo... [+]
Hainbat eragile antifaxista eta antirrazistak antolatuta, Lo que no te cuentan de Donosti (LQNTCDD) taldearen kontrako elkarretaratzea antolatu dute, datorren astelehenean 20:00etan, Amarako Easo plazan. Telegram kanal horretatik, leku horretan deitua dute asteroko... [+]
Aste mugitua izaten ari da Donostian, Kaleko Afari Solidarioen bueltan dabilen jendearentzat. Astelehenean beren aurkako kontzentrazioa egin zuten dozenaka pertsonak, inolako baimenik gabe eta Ertzaintzak esku hartu gabe, eta tentsio handia izan zen. Horrek hauspotuta, Eneko... [+]
Poliziek arrazaren araberako "profilak" egiten dituztela azaldu du Europako Kontseiluaren txosten batek, eta komisarietan pertsona migranteek eta ijitoek arrazismo sistematikoa pairatzen dutela seinalatu. Melonik poliziak babestu ditu: "Gure polizia-indarrek... [+]
Kaleko Afari Solidarioak (KAS) egitasmoko kidea da Ixiar Gonzalez Gurrutxaga. Donostiako Udalak asteazkenean debekatu egin die behar dutenentzako otordu beroak eskaintzen jarraitzea. 18:00etan prentsaurrekoa deitu dute beren erantzunaren berri emateko. "Hiru aukera ditugu:... [+]