Tren publiko eta soziala aldarrikatu dute Altsasun
AHTren kontrako martxan haren eraginak bertatik bertara ikusteko aukera izan dute ibiltariek. Hilaren akaberarako beste ekimen bat deitu dute.
Sakana Trenaren Alde plataformak defendatzen tren ereduaren aldeko mezua Lakuntza eta Altsasu arteko martxan zabaldu zuen larunbatean. Ehun bat ibiltari elkartu ziren bidea euripean osatzeko. Plataformako kideek beste behin trena “garraiobiderik jasangarriena” dela eta estatuak “mantentze lanik eta garapen egokirako planik gabe hiltzen utzi” duela ziurtatu zuten. Horren ordez euren ustez desegokia den Abiadura Handiko Tren (AHT) proiektuak sustatu direla salatu zuten.
Larunbateko martxak Iruñea eta Gasteiz Sakanan barna lotuko duen AHT egitasmoaren kontra azaltzeko ere balio izan zuen. Horregatik, ibilbidean informazioa zabaltzeko hiru geldialdi egin zituzten. Aurrena Etxarri Aranatz eta Bakaiku arteko Aritzalko hariztian. Urbasa eta Aralar artean fauna batetik bestera pasatzeko toki garrantzitsua da hori eta inguru horretan autobia eta bigarren mailako errepidearen azpitik pasako litzatekeen tunel "faltsu" bat aurreikusi dute. Haren ondoan Muru Artederreta eta Itsaso arteko goi tentsioko argindar linea pasako litzatekeela gaztigatu zuten plataformatik.
Bigarren geldialdia Urdiaingo eta Altsasuko muga artean egin zuten. AHT ibilbide proposamenean jasotzen denez trenbideak ibaiaren eta autobiaren gainetik zubi bidez bargarantz pasako litzateke. Azken geldialdia, berriz, Altsasu sarrerako tren geralekua izan zen. Han martxistek egungo trazatua bi trenbide hartzeko prest dagoela ikusi ahal izan zuten. 15 km inguruko ibilaldiaren ondoren martxistek merezitako auzatea izan zuten.
Hurrengoa hitzordua
Hilaren 26ko arratsaldean izanen da. Egun horretan ohiko trenaren aldeko aldarrikapena eginen da Tutera eta Altsasuko tren geltoki guztietan. Trenak lurraldea egituratzeko duen garrantzia nabarmendu eta itxi dituzten geralekuen aldarrikapena egin nahi dute ekimen horrekin.
Albiste hau Guaixek argitaratu du eta Creative Commons lizentziari esker ekarri dugu.
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]