Trebiñuarrek PPren eta PSOEren ezezkoa jaso dute Espainiako Kongresuan
Espainiako Kongresuak atzera bota du Trebiñuko konderria Araban sartzeari buruzko lege proposamena, PPko eta PSOEko ordezkarien aurkako botoekin, Efe agentziak jakinarazi duenez. Sustatzaileek Gorteetara eramango dute eztabaida.
Astearte arratsaldean egin da eztabaida Kongresuan. Han izan dira proposamena babestu duten Eusko Legebiltzarreko alderdietako ordezkariak, hainbat erakunde eta herri plataformetako kideekin batera. Besteren artean EAJko Xabier Agirre, EH Bilduko Belen Arrondo, PSE-EEko Txarli Prieto, EAEko Legebiltzarreko presidente Bakartxo Tejeria eta Udalbiltzako lehendakariorde Iratxe Lopez de Aberasturi joan dira Madrilera.
Trebiñuko alkatea: "Arazo administratiboak konpontzea dugu helburu"
Eskakizunaren atzean "xede independentistarik" ez dagoela azaldu du Trebiñuko alkate Ignacio Portillak. Dioenez, "arazo administratiboak konpontzeko" saiakera bat da: “Estatuak probintzien mugak aldatzeko eskumena du, eta Estatuak aldeei galdetu behar die”. Eitb-k jaso ditu bere hitzak, baita Gasteizko alkate Javier Marotorenak ere. "Araba Trebiñu izan behar da”, adierazi du Marotok; baina gaineratu du batasuna Kongresuan lege baten bidez bultzatu behar dela, eta ez Eusko Legebiltzarraren lege-proposamen baten bitartez.
Trebiñuko eta Argantzungo udalen ekimenez eztabaidatuko dute Madrilen konderriko afera. Berria egunkariak egin dien elkarrizketan, urratutako bideak "atzera bueltarik" ez duela nabarmendu dute.
Trebiñuko herritarrek bizi duten egoera "anakronikoa" salatu zuten igandean.
Trebiñu Araba Da plataformak arbuiatu du epaitegien aginduz Trebiñun euskara planak baliogabetu behar izana eta hezkuntza publikoan euskaraz ikasteko eskubidea ukatzea. Trebiñu Araban integratzea eskatu dute, "inposizioaren" gainetik.
Gaztela Leongo hauteskundeen biharamunean, Xabi Iturriza trebiñarra izan dute Hizpidea saioan. Trebiñu Araba izateko arrazoien inguruan mintzatu dira berarekin. Otsailaren 26an aurkeztuko da Trebiñu Araba da! taldea.
PSOEk lortu du bozka gehien bai Trebiñun bai Argantzonen, Gaztela eta Leongo Juntarako bozetan. 1.506 pertsona zeuden bozkatzera deituak Trebiñuko barrendegian, eta horietatik 558k bozkatu dute, %37ak.
650 metroko garaieran, izotza sarri, Araba erdian baina Burgosen, “lurralde ahaztua”. Trebiñuren bereizgarriek derrigor markatzen dute hango laborantza, sagarrarena tartean, 1998an Askartzan ireki zuten sagardotegiaren ibilbideak erakusten duenez.
Argantzungo eta Trebiñuko udaletako osoko bilkurek gehiengo osoz erabaki dute lan-mahai bat sortzea, egun Burgoseko probintziaren administraziopean dagoen barrundia ofizialki Arabako parte izatea lortzeko.
XVII. mendetik hona dago Trebiñu Burgosen menpe. Urteak dira trebiñutarrek beren gogoa adierazi dutela, Araban bizi dira, Arabako lurretan dira, Arabako izan nahi dute administrazio zereginetarako ere. Orain, Lege Organikoaren proposamena egin dute Gasteizko... [+]
Trebiñuko bi udalek euskara sustatzeko lau urterako plan estrategikoa onartu zuten 2020ko amaieran. Orain, Trebiñu administrazioarekiko auzien auzitegira eraman du Gaztela eta Leongo Juntak, eta Argantzon horrekin mehatxatu du.
Espainiako Kongresuak alarma egoera berriro luzatzea onartuko du gaur, Gobernuak EAJrekin lortutako akordioari esker; ondorioz, Trebiñuk Arabako gainontzeko eskualdeen baldintza berdinetan egingo du deseskalatzea.
Azaroaren 10eko hauteskunde orokorren atarian, Trebiñuko herritar talde batek paratxutistak eskegi ditu herriko faroletan Trebiñu Araba dela aldarrikatzeko.
Probintziaren Egunean gutuna eman diote Argantzungo eta Trebiñuko alkateek Cesar Rico Burgosko Diputazioaren presidenteari.
Markinez-Amozarrain sendikoak euskaraz aritzen dira etxean eta lantokian. Euskaldun asko hartzen dute haien ogibide den sagardotegian. Trebiñun daude, eta izen bereko sagardotegian euskara lehen lerroan izan dadin saiatzen dira. Lazarraga Saria ere irabazi dute, eta... [+]
Trebiñuko eta Argantzungo alkateek Espainiako Senatuan aurkeztu dituzte Araba ofizialaren parte ez izateak dakarzkien arazoak; gaia jorratzeko lantalde bat eskatu dute. PP eta PSOE kontra azaldu dira.
EAJk eskatuta, Trebiñuko Konderriko eta Argantzungo alkateek Espainiako Senatuan agerraldia egingo dute gaur, 11:30ean.