Topatuko kideek prentsa askatasunaren aurkako erasotzat jo dute epailearen aurrean deklaratu behar izatea
Espainiako Auzitegi Nazionalean deklaratu dute astearte goizean Iraitz Salegi, Nekane Zinkunegi eta Izaro Zinkunegi kazetariek, Topatu.info webguneak Gazte Danbadari buruz egindako jarraipen informatiboarengatik inputatuak izan ostean.
Epailearen aurrean deklaratzera deitu zituztela jakitean \"Denok gara Topatu\" dioen irudia zabaldu zen sare sozialetan.
Eloy Velasco epailearen aurrean deklaratu ondoren, honako bideoan argitaratu du webguneak.
Hiru kazetarien esanetan, “prentsa askatasunaren aurkako erasoa” da deklaratzera eraman izana, “baina gure lanaren aitorpena ere bai, zer edo zerengatik ekartzen gaituztelako hona deklaratzera”.
Inputatuek eskerrak eman dizkiete egunotan babesa adierazi dieten pertsona guztiei.