Telemarketing enpresa bateko langilea zigortu dute lan-baldintzak Twitterrez salatzeagatik
Eroskiren arreta zerbitzua eskaintzen duen bZERO telemarketing enpresak 45 egunez enplegu eta soldata gabe utzi du langilea. ELAk azaldu duenez, enpresan prekarietatea da nagusi, lanaldi partzial eta soldata baxuekin.
Jasaten dituen lan-baldintza eskasengatik bere amorrua bi txiotan azaldu duen Maria Solaetxe langileari isuna jarri diote nagusiek. Gertaera pasa den Eguberritan izan da, Eroskik eta honek azpikontrataturiko bZERO Makerting Integral enpresak bere langileen artean Gabonetako bi lote zozketatzea erabaki zuenean. Langilea –ELA sindikatuko ordezkaria enpresa batzordean– irainduta sentitu zen, haren esanetan jasaten dituzten lan-baldintzak hobetu beharrean “limosna” eskaintzen ari zelako enpresa.
ELAk azaldu duenez, feminizatutako sektore batez ari gara. Telemarketing enpresan lan-baldintza kaskarrak jasaten dituzte sindikatuaren arabera, soldata oso baxuak, azpiegitura eskasak, lanaldi partzialak eta “komunera joetako erabiltzen duten denbora” ere neurtzerainoko kontrola. Langile honek, esaterako, astean 33 ordu lan egiteagatik 787 euro baino ez du kobratzen hilean, “oso egoera prekarioa da, kontatu digunez batzuetan aukeratu behar izaten du: jan ala kalefakzioa piztu”, azaldu du Hala Bedi irratian Naroa Elortza ELAko kideak.
Txioak bidali eta hilabete eta erdi geroago, otsailaren 9an, enpresak “espediente kontraesankorra” ireki dio langileari, “errespetu falta larriagatik” eta mezuek bezero nagusi duen Eroskirekiko “erabateko mespretxu eta nazka adierazten” dutelako. Aurretik, Eroski kooperatibako zuzendaritzak kexa formala azaldu zien telemarketing operadoreko arduradunei, bere “irudia eta izen komertzial ona” kaltetuak izan direlakoan. Enpresak 45 egunez enplegu eta soldatarik gabe utzi du langilea, “kontuan izanik lehenengo aldia dela”.
Mozal legea lantokietan?
ELAren ustez adierazpen askatasunaren kontrako eraso larria da honakoa: “Ikaragarria da maila pertsonalean –dio Elortzak–, baina baita aurrekari bat sortzen duelako ere. Enpresaren, Eroskiren edo dena delakoaren kontra jartzen baduzu kartel bat edo esaten baduzu hitz bat, kaleratzearen beldurra hor egongo da. Honek prekarietatea betierekotzen du, beste ‘akats’ bat eginez gero kalera zoazelako”.
Egoera hori salatzeko, eta “lantegietan ere Mozal legea aplikatu ez dadin”, enpresa batzordeak elkarretaratzea egin du ostegun eguerdian enpresaren Bilboko bulegoen aurrean, eta datorren asterako geldialdia iragarri dute.
Gehiago jakiteko:
Igor Goikolea kazetariak Twitter bidez auziaren inguruan argitaraturiko kronika.
Maria Solaetxek bere enpresan jasaten dituzten lan-baldintzen inguruko testigantza eskaini zuen eta ELAk Youtubera igo du:
Urtarrila amaieran ezarri zieten 5.000 euroko isuna ordaintzen laguntzeko txartelak jarri dituzte Herria, Marruma eta Platero tabernetan.
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Asteazkenean izan behar zuen epaiketa dataz aldatu dute Lizarrako alkateak azken momentuan jarritako helegite baten ondorioz. Orain taldeari "gorrotoa sustatzea" ere egozten zaio eta lau urterainoko kartzela-zigor arriskua dute kideek.
Asteazken goizean fiskala eta defentsa elkartu dira eta akordio bat erdietsi dute. Joseba eta Eñaut Alvarez aita-semeak 2023ko San Sebastian bezperan Donostiako Plaza Berrian Etxera zioen oihal handi bat teilatutik alderik alde jartzen saiatu ziren. Bertan poliziekin... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
Larreundiko Auzo Elkartea mural bat margotzen hasi zenean "gelditzeko agindua" jaso zuen. Izan ere, udalbatzan onartuta dago Palestina eta Israelen arteko auzian hirian ez dutela posizionamendurik onartuko eta "bakea" irudikatuko dela soilik.
2.700 euroko isuna ere ezarri dio Espainiako Auzitegi Nazionalak. Otsailean atxilotu eta inkomunikatu zuten, Twitterreko zenbait argitalpeni lotuta. Manifestazio bat izango da larunbat honetan Iturmendin, errepresioaren kontra eta adierazpen askatasunaren defentsan.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]