TV3ko kazetaria zela pentsatu dutelako jo dute kameralaria, asteazkenean egindako elkarretaratzean. Asteburuan gurutze horiak kentzeagatik emakume batek jasandako erasoa salatzeko deitu zuen elkarretaratzea Ciudadanosek.
Bartzelonako Ciutadella parkean 600 lagun inguru (udaltzainen arabera) bildu dira. Ciudadanoseko lider nagusiak han zeuden: Albert Rivera, Ines Arrimadas eta Juan Carlos Girauta. Espainiako banderen artean egin da elkarretaratzea eta “Viva España” eta Puigdemont a prision” oihuak entzun dira, besteak beste. Frantziako ultraeskuindarren bandera bat ere ikusi da.
Lagarde Danciu ekintzaile ezkertiarrak “naziak” oihukatu die bertaratutakoei eta tentsioa nabaritzen hasi da. Beranduago Telemadrideko kameralaria jo dute, TV3 katearen aurkako oihu artean, TV3ekoa zela uste zutelako.
Telemadrideko kazetari batek azaldu duenez bere sare sozialetan, “elkarretaratzea deitu duen taldearen” dei bat jaso du erasoa gaitzetsiz.
Los organizadores de la concentración de Barcelona se han puesto en contacto con @telemadrid para mostrar su condena a la agresión a nuestro cámara.
— Javi Gómez (@javigomezTV) 2018(e)ko abuztuaren 29(a)