Telefonicako ordezkaritzak ez ditu grebalariak mintzakide gisa onartu lehen negoziazioan
Ez dute fruiturik eman astelehen gauean Movistarreko ordezkaritzak eta grebalariek egindako lehen harremanek. ARGIAk jakin ahal izan duenez, Bartzelonan egindako aurrez aurrekoan Telefonicak ez du Greba Komitea aitortu mintzakide gisa. 15.000 langile greba mugagabean daude Espainiako Estatuan. Gatazka gogortuko dela iragarri dute grebalariek.
Larunbatean Kataluniako hiriburuko Movistarren denda batean itxialdia egin ostean, multinazionalak mahai batean esertzea onartu zuen. Euskal Herritik sei ordezkari joan dira Bartzelonara, gertakariak bertatik bertara jarraitzera.
Telefonicak mahai gainean jarri du dagoeneko UGT eta CCOOrekin akordioa lortu dutela, eta ezin dutela hitz hori hautsi. Grebalariekin hitz egin gabe, CCOO eta UGTk maiatzaren 5ean multinazionalarekin akordio bat sinatu zuten, iragarriz beraiek deitu ez zuten grebaren amaiera. Greba batzordeak aho batez atzera bota zuen akordio hori.
Langileek greba mugagabearekin jarraituko dute eta mobilizazio gehiago iragarri dituzte. Datozen ordu eta egunetan asanbladak egin nahi dituzte, baina ARGIAri adierazio diotenez, “guda nahi badute, izango dute; Euskal Herrian oraindik ez dugu hitz egin, baina ziurta dezakegu estatuan gatazka gogortu egingo dela”.
Tentsioa eta alaitasuna negoziazioaren emaitzen zain
400 bat pertsona Movistarren eraikinaren oinean bildu ziren, negoziazioak barnean iraun bitartean. La Directa agerkariak jaso duenez, tentsioan, baina giro alaian, langile eta senideentzat mikrofono bat ireki zuten. Beste lan gatazka batzuetatik elkartasun mezuak jaso zituzten, horien artean Coca Colako langileriarena.
Nabarmendu zuten Movistarreko langileek multinazionalari bota dioten erronkaren garrantzia. "Denok ari gara borrokan denon etorkizunaren alde", "gu gabe ez zarete ezer" edo "hau herriaren greba da", aldarrikatu zuten.
22:00ak inguruan irten dira ordezkariak eraikinetik eta elkarrizketen emaitza jakinarazi dute: “Porrota”. Hala ere, tentsio eta tristura uneak bizi ostean, berriz ere indartu eta adierazi dute bazekitela lehen aldian ez zutela konponduko, baina A, B, C eta D planak dauzkatela, eta grebak aurrera jarraitzen duela.
Informazio gehiago:
"Esklabotza egoeran gaude, horregatik greba", elkarrizketa Angel Circujanorekin, Gipuzkoako Greba Batzordeko kidea.
Arratsaldeko 18:30ean emango zaio hasiera Correscales, prekarietatearen aurkako lasterketa solidarioari, Movistarrek Bilboko Buenos Aires kalean duen dendaren parean. Lasterketa bera 19:00etan hasiko da; herri mugimenduko elkarte ugarik erreleboka eramango dute lekukoa,... [+]
Prekaritatearen aurkako Correscales lasterketak Bilbo eta Bartzelona batuko ditu otsailaren 18tik 22ra bitartean. Movistar telefono konpainiako langileen iazko grebari lekukoa hartuta, erresistentzia kutxa bat eratzeko asmoa dute.
Apirilean egindako 80 egun inguruko grebaren ostean, Movistar-eko langileek osatutako Marea Urdina elkarteak egitasmo berri bat atondu du: prekarietatearen aurkako Korrika moduko bat egitea, Bilbo eta Bartzelona lotuz. Guztira 674 kilometro etenik gabe egingo dituzte, otsailaren... [+]
Bartzelonako Rambletan dagoen BBVAren bulego bat okupatu dute Telefonicako dozenaka langilek. 74 egun daramatzate greban eta banku hori telefono konpainiako akziodun nagusia da.
Maiatzaren 24ko hauteskundeen ondoren hautatuak izan diren hainbat lagunek agerraldi jendetsu baten bidez jakinarazi dute hilaren 26an Katalunian Telefonica-Movistarreko grebalarien “Eskaileren konpromisoa” sinatuko dutela.
Larunbatean hartu dute Bartzelonako Catalunya plazako denda greban diren Movistarreko langileek. Itxialdi mugagabea egingo dutela azaldu dute zuzendaritzarekin negoziaketak hasi ezean.
Movistarreko langile azpikontratatuek 30 segundoko tartea izango dute Herrialde Katalanetako TV3 eta BTV telebista publikoetan. CUP taldeak udal hauteskundeengatik egokitutako publizitate tartea utzi die grebalariei beren egoera azaldu eta erresistentzia kaxaren kontu... [+]
Espainiako Estatuan Telefonicarentzat lanean ari diren 15.000 kontrata, azpikontrata eta autonomoek nahikoa dela esan dute. Hilabete daramate greba mugagabean, azken urteotako langileen gatazkarik indartsuenetakoan. Lana ehunka azpikontrataren bidez egiteak dakarren... [+]
Telefonicak azpikontratatutako langileen soldatak Cesar Alierta Telefonicako presidentearenak baino 706 bider txikiagokoa dira. Administrazio kontseiluko kideek euren soldatak %20 igo zituzten 2011 eta 2013 urteen artean, 6.830 langile kaleratu zituen enplegu-erregulazioko... [+]
Lerroon aldameneko afixa txikiak (folio soil fotokopiatua, platanoaren gerriari celloz lotua) harritu ninduen duela hamabost egun Tolosako Triangulo plazan baina laster ahaztu nuen. Inon ez baita albisterik ez entzuten, ez ikusten, ez irakurtzen, Espainiako Estatuko konpainiarik... [+]