Taser pistola hilgarriak erosi ditu Ertzaintzak
Ertzaintzak Taser pistola elektriko paralizatzaileak erosi ditu, nahiz eta Estefania Beltran de Heredia Segurtasun sailburuak onartu duen arma horiek ez daudela homologatuta eta ez dakitela epilepsia edo bihotzeko arazoak dituztenengan nola eragin dezaketen; Público egunkariak jaso du albistea.
Deskarga elektrikoak ematen ditu arma horrek, eta biktima paralizatu egiten dute. Arma “ez hilgarri” bezala kalifikatuta badago ere, Amnistia Internazionalak argitaratutako txosten baten arabera, 2001 eta 2012 bitartean gutxienez 500 pertsona hil ditu poliziak AEBetan arma hori erabilita. Hemen sonatua izan zen Delian Atkinson Realeko jokalari ohiaren hilketa; iazko abuztuan hil zuen Ingalaterrako poliziak Taser pistolarekin.
Arma horiek bereziki kaltegarriak izan daitezke asma, epilepsia, kardiopatia larriak edo taupada-markagailuak dituzten pertsonentzat. BBCk Douglas P. Zipes kardiologo adituari egindako elkarrizketan zioen Taser pistolarekin bularrera tiro eginda berehalako bihotzekoa eta heriotza eragin dezaketela.
Jose Ramon Becerra Elkarrekin Podemos taldeko legebiltzarkideak arma horiei buruz galdetu zion Beltran de Herediari. Kontseilariak erantzun zion 50.687,68 euro gastatu dituztela erosketan. Homologazioei eta erabilera protokoloei buruz galdetuta, kontseilariak erantzun zuen "fabrikanteak homologatu" duela armaren erabilera, eta "berariazko ziurtagiriak" dituztela. Ziurtagiri horiei buruz galdegin zion jarraian Becerrak, eta Beltran de Herediak erantzun zion "ez direla existitzen ziurtagiri horiek".
Taser pistolak Ertzaintzak sortu berri duen Berehalako Erantzunerako Patruila Zerbitzuak erabiliko ditu. Iazko urte amaieran sortu zuten unitate hori "egoera kritikoetan” esku hartzeko. Egoera horien barruan jarri dituzte kasu “antiterroristak”: bahituak dauden egoerak eta banku lapurretak, baina etxe-kaleratzeetan ere parte hartu du unitate horrek.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
2006. urtean, Baltasar Garzonek, orduko epaile izarrak, errebelazio moduko bat izan zuen, eta jardunbide bat idatzi zuen, terrorismoagatik inkomunikatutako atxilotuen eskubideak bermatzeko. Epaile berak ehunka atxilotu inkomunikatu pasatzen ikusi zituen bere aretotik, horietako... [+]
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Nafarroan torturatutako ia mila pertsonaren errealitatea eraldatzen hasi berri dela azaldu du antolakuntzak. Nafarroako torturaren biktimen lehen aitortza ofiziala aurtengo apirilean egin zen, eta oraingoa antzeko prozesuetatik igaro diren beste torturatuekin eta gaian aditu... [+]
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Europar Batasunean hamahiru herrialdek eman dituzte Poliziak egindako erailketei buruzko datuak, eta podiumean daude Frantziako eta Espainiako estatuak.
Hedabide eta politikari ugariren ahotan entzuten dugun segurtasun ezaren eta delinkuentziaren diskurtsoa argudio hartuta, bai Hendaiako auzapezak bai Donibane Lohizunekoak iragarri dute udaltzainek armak eramango dituztela. 2025ean sartuko da neurria indarrean.
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]