Futbol eta saskibaloi partiduetan edota kontzertuetan eragingo du lege berriak, eta Eusko Jaurlaritzako Segurtasun Saila izango da ikuskizunak arrisku handikoak diren ala ez erabakiko duena.

Estefanía Beltrán de Heredia Segurtasun sailburuak adierazi duenez, tasa berri honen helburua da ikuskizun horien “kostuen arduraren koerantzukizunari buruzko debate publikoa irekitzea”, ez dirua biltzea.

Kalean edatea debekatuta

Legeak ostalaritza lokaletatik ez datozen edari alkoholdunen kontsumoa debekatzen du kalean eta espazio publikoetan, taldean egiten denean ("litroak egitea", alegia).

16 urtetik beherakoek adin nagusiko batez lagunduta baino ezingo dira sartu taberna eta pubetan, eta bakarrik 22:00ak arte.