Durangoko Plateruena kafe antzokiak datozen asteetarako egitaraua aurkeztu du. Ostiral honetan Su Ta Gar taldeak kontzertua eskainiko du, 20 urteko ibilbidea ospatzeko egiten ari den biraren barruan. Larunbatean Esne Beltza izango da Plateruenan, urtarrilaren 16an Ama Say, otsailaren 6an The Rubinoos, 7an No Use For a Name... Bestalde, hilaren 30ean bertso saioa eskainiko dute Maialen Lujanbiok, Xabi Payak, Sustrai Colinak, Igor Elortzak eta Unai Iturriagak.