Senpereko aintzira gainezka
Herri Urratsek, Ipar Euskal Herriko ikastolen aldeko festak sostengu garrantzitsua lortu zuen atzo, joan den urtetik aurreikusita duen hazkundeari erantzuteko hain premiazkoa duena. Iazko Herri Urratsen emaitza oso ona izan zen, Seaskako zuzendari Hur Gorostiagaren hitzetan, “eta aurten berdintsua edo hobea izan da”.
Giroa atsegina eta salmentak ezin bikainagoak izan baziren ere, erreibindikazioari tartea egin zitzaion atzokoan: “Seaska hazkundean da, arriskuak hartu ditu, eta herriak bat egin du proiektuarekin. Herriak bere sustengua erakutsi digu eta orain erakundeei dagokie segitzea”. Bestalde, euskarazko hezkuntzaren ezagupen instituzionala lortzeko daraman borrokaren baitan, berri on bat eman zuten aditzera. Baxoan edo bigarren hezkuntzaren ondoren pasa beharreko azterketa ofizialean, beste ikasgai bat ere egin ahal izango dute euskaraz. Orain arte historia eta geografia besterik ez zuten aukeran, aurten matematika ere izango dute.
Senpereko aintziraren inguruan antolatutako ekitaldien artean, Pirritx, Porrotx eta Marimotots, Anje Duhalde, Obrint Pas, Su ta Gar edota Zuberoako maskarada ikusi ahal izan ziren. Azken hau Xiberoako Ikastoletako Ikasle Ohien Elkartearen eskutik.
Azken nobedadea, berriz, euskal moneta ekologiko eta solidarioa bultzatzen duen elkarteak eskaini zuen. Mila lagun baino gehiago hurbildu ziren karpan jarritako mahaira, moneta alternatiboari jarri beharko litzaiokeen izenaren inguruan boza ematera. "Eusko" aukeraren alde egin zuen gehiengoak.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Unibertsitatean sartzeko proba egingo dute laster Euskal Herriko milaka ikaslek. Lehia sustatu eta memorizazioa lehenesten duen proba dela salatu du Ikama ikasle mugimenduak: “Espektatiba eta desira jakin batzuk sortzen ditu ikasleongan, etorkizuna gure esku dagoela... [+]
Euskararen Erakunde Publikoa eta euskal parlamentari talde bat bildu da asteazken honetan Frantziako Hezkuntza Ministerioko bost ordezkarirekin, eta haiengan jarrera aldaketa ikusi dute. Han izan da, esaterako, Julie Benetti, Hezkuntza ministroaren aholkulari berezia.
Joan den maiatzaren 23an aztertu zuen auzitegiak auzia, eta astearte honetan ezagutu da ebazpena: euskaraz ikasten duten ikasleek jarraitu beharko dute Baxoa azterketa euskaraz egiteko aukerarik gabe.
Seaskak salaketa jarria du Frantziako Hezkuntza Ministerioaren kontra eta berau aztertu dute maiatzaren 23an Pauen, presazko auzian. Datorren astean ebatziko du Administrazio Auzitegiak.
Filosofiako proba euskaraz idaztea “izaera politiko eta aldarrikatzailea” duen ekintzatzat ikusi dute zuzentzaileek, azterketa frantsesez baino ezin baita egin. Ikasleetako bati, baina, etsamina zuzendu diote eta 20tik 12 puntu lortu ditu.
Brebeta azterketa euskaraz egiten dute Seaskako ikasleek, baina zientzietako froga euskaraz ez dakiten irakasle frantsesek zuzendu dituzte azken bi aldietan. Aurtengo azterketak euskaraz zuzenduak izan daitezela eskatu dute Seaskako irakasleek eta desobedientziaren bidean... [+]
Bigarren Hezkuntzaren amaieran egiten den baxoa azterketa bere horretan mantenduko du Frantziako Gobernuak. Ikasleak kontra agertu dira eta ebaluaketa jarraia egokiagoa dela defendatzen dute. Protestak izan dira Ipar Euskal Herriko hainbat lizeotan.
Hego Euskal Herrian selektibitatea mantentzea aurreikusten duten bitartean, Ipar Euskal Herriko ikasleek ez dute baxoa egin beharko. Unibertsitatera sartzeko proba egiteko baldintzarik ez dagoela adierazi du Frantziako Hezkuntza ministroak, eta ikasturtean zehar ikasleak duen... [+]
Orain arte lizeoko azken urtearen bukaeran egiten zuten ikasleek baxoaren proba, bi astean azterketa guztiak eginaz. Baina baxoaren erreformaren arabera, lizeoko azken bi urteetan egin beharko dituzte azterketak aurrerantzean. Beste aldaketa bat ere bada: orain ikastetxe... [+]
Frantziako Hezkuntza Ministerioak aurten ere ez du onartu Ipar Euskal Herriko 193 ikaslek Brebetako zientzietako azterketa euskaraz egitea. Joan den urtean ere ez zuten utzi, eta ikasleek euskaraz egin zuten azterketa; irakasle erdaldunek zuzendu zituzten azterketa hauek,... [+]
Seaskak, Etxepare Lizeoak eta Baxoa Euskaraz! Ikasle kolektiboak deituta, 12:00etan egingo da elkarretaratzea Baionako René Cassin lizeo aurrean.
Jean Michel Blanquer Frantziako Hezkuntza ministroak jakinarazi du baxoan eta lizeoan aldaketa nabarmenak egingo dituztela. 2021era arte jarri du epea aldaketak indarrean jartzeko.