Seaskak kolegio berria izango du Senperen
Udalak eskainitako 10.000 metro koadroko lursailean kokatua, 200 ikasle ingururentzako espazioarekin, ikastetxea 2023an irekitzea da asmoa. Seaskaren bosgarren kolegioa izango da.
Lakutik hurbil eraikiko dute ikastetxe berria / EKE
Gaur egungo lau zentroetan –Larzabale, Kanbo, Baiona eta Ziburu– ikasle guztiak hartzeko nahikoa leku ez dagoela-eta eraikiko du Seaskak ikastetxe berria Senperen, Herri Urrats ospatu ohi den lakutik gertu.
Matxin Irabola kolegioa?
Zein izen jarriko diote eskola berriari? Hainbat herritarrek Matxin Irabola bertsolariaren (Senpere, 1879-1935) izena proposatu dute, France Bleu irratiak jakinarazi duenez.