Joselu Blanco ETBko programazio buruak adierazi duenez, 2012. urtean 13 atal baino ez dituzte emitituko ez dutelako gehiagorako dirurik, baina horrek ez du esan nahi 2013an atal gehiago emango ez direnik. Sautrela arrazoi ekonomikoengatik kenduko dutela esan du Blancok. Hitzen Uberan webgunean adierazi duenez: "Nik uste dut hori dela arrazoi bakarra. Ekonomikoa. Ez dago beste arrazoirik. Horrelako saioak ez dira audientziaren arabera neurtzen".