Sasienpresa sare bat Araban: 54 urteko kartzela eskatzen dute Alfredo de Miguelentzat
Arabako fiskaltzak 54 urte eta 9 hilabeteko zigorra eskatu du Alfredo de Miguel EAJko probintziako bigarren pertsona garrantzitsuena izandakoarentzat. Legez kanpoko komisioak kobratzea, kapitalak zuritzea eta eragin-trafikoa leporatzen dizkiote, besteak beste.
Auzia 2010ean egin zen publiko eta Miñanoko parke teknologikoan izan zuen abiapuntua: esparru hori handitzeko obrak baliatuz, De Miguelen inguruko sareak lanak egin behar zituzten enpresei komisioak kobratu zizkiela uste du fiskaltzak.
Ia bost urte luzatu zen instrukzioaren ondoren iazko urrian erabaki zuen Arabako auzitegiak epaiketa egitea eta joan den ostiralean ezagutu zen Josu Izaguirre Arabako fiskal nagusiaren eskaera. 128 orrialdeko kalifikazio idatzian 26 lagunen aurkako epaiketa abian jartzea eskatzen da, De Miguelez gain Aitor Telleria eta Koldo Otxandiano EAJko kide ohien kontra besteak beste.
Miñanokoaren antzeko operazioak egiteko sasienpresa sare bat aipatzen du fiskalak: EAJren esku zeuden erakundeetatik esleipenak lortu ondoren, enpresa horiek komisioak kobratzeko erabiltzen zirela dio. Gainera, inoiz eskaini ez ziren zerbitzuen truke kobratutako kontratuez ere hitz egiten du.
Ardura politikoak baliatuz osaturiko sarea
Fiskalaren arabera, Alfredo de Miguelek aldi oro zeuzkan ardura politikoak baliatu zituen, beste auzipetu batzuen laguntzarekin, bere inguruan sozietate-sare bat osatzeko, “bere burua eta bitartekoak aberasteko xedez”.
Sare horren eginkizunen artean zegoen kontratu publikoak lortzea administrazio ugaritatik. De Miguelen jabetzakoa zen Kataia Consulting SL agertzen da kasuaren erdian, baina baita gertuko harremana duten Errexal SL eta Ortzi Muga SL ere –pertsona berak zeraman enpreson kontabilitatea, egoitza leku berean zuten, pertsona berdinek hartu zuten haietan parte…–. Horien bidez beste enpresek esleipen publikoen truke ordaindutako komisioak ere kobratzen zituzten ustez.
2009an egindako salaketa batetik abiatuta
Aipatutako hiru enpresak sarearen erdigunea baino ez direla ondorioztatu zen instrukzio fasean. 25 sozietate baino gehiago agertu ziren 2009an Ainhoa Alberdi enpresaburuak fiskaltzari zenbait dokumentu eta 24 grabazio eraman zizkionetik. Bertan esplikatzen zen nola funtzionatzen zuen sareak eta ikerketak hainbat ustezko delitu ikertzeko bidea zabaldu zuen: prebarikazioa, kapitalak zuritzea, administrazioei iruzurra, dokumentu publikoak faltsutzea, Ogasun Publikoaren aurkako delituak…
EAJk kasua ez “politizatzeko” eskatu du
Fiskaltzaren eskaera ezagutu ostean, hedabideei bidalitako ohar baten bidez EAJk gogora ekarri zuen joan den ostiralean ikerketaren berri izan ostean kasuarekin lotutako alderdiko kideak ardura publikoetatik kendu zituela.
Era berean, alderdi jeltzaleak eskatu du ez dadila kasua “politizatu”, haren jatorria ez baitago kolektibo batean, “norbanakoen ustezko portaeran” baizik. Nolanahi, EAJri “deigarria” iruditu zaio fiskaltzaren zigor eskaera eta “prozesua zorroztasunez” eramateko eskatu du “bidezko epaiketa” izan dadin.
.jpg)
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu... [+]
Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.
Alfredo de Miguel, Koldo Otxandiano, Iñaki Telleria eta Xabier Sanchez EAJko buruzagi ohiei kartzela zigorra ezarri die Arabako Probintziako Auzitegiak. Era berean, 146.230,80 euro itzuli beharko dizkie Autonomia Erkidegoei.
Arabako Probintzia Auzitegiak Espainiako Auzitegi Gorenaren epai ofiziala jaso du. De Miguel eta Koldo Otxandiano burukide ohiak lanpostu publikoetan lanean jarraitu dute orain arte, eta Arantxa Tapiak adierazi du kaleratu egingo dituela.
Jaurlaritza legea betetzen ari dela eta kondenatuen lan kontratuak sententzia jaso bezain azkar etengo dituztela adierazi du Arantxa Tapiak. El Correo-k egun berean argitaratu duenez, urtarrilean ezagutu zenetik 53 egunera aurkeztu du Jaurlaritzak sententzia jasotzeko eskaera... [+]
Kondenatutako alderdikideak kanporatzeko prozedura abian jarriko du EAJk, epai irmoa eskutan. Etikaren aurkako portaerak EAJren “praktika eta asmoetatik” kanpo daudela “aldarrikatu” du.
2010ean –atxiloketak gertatzean– eta 2019an –Arabako Auzitegi Nagusiak epaia ematean– egin zituen adierazpenak gogoratu eta berretsi ditu lehendakariak. Ez du epaiaren mamiaz baloraziorik egin.
De Miguelen epai irmoak erreakzio politiko ugari eragin ditu astearte goizean. Oposizioak gogor hitz egin du EAJko kide ohiaren aurka, eta neurriak eskatu ditu.
Arabako Probintzia Auzitegiak 2019ko abenduan emandako ebazpenaren zigor nagusiak berretsi ditu De Miguel auzian: prebarikazioa eta eroskeria egitea, influentzia-trafikoa, ondasun publikoak bidegabe eta neurrigabe erabiltzea, agiriak faltsutzea eta kapitalak zuritzeagatik... [+]
Astelehen goizean Radio Euskadin egindako adierazpenetan, EAJko EBBko presidenteak adierazi du auziaren behin betiko epairik eman ezean, EAJk ezin duela ezer egin ustelkeriagatik zigortutako Alfredo de Miguelek Jaurlaritzarekin lotura duen enpresan lanik ez egiteko. Justiziaren... [+]
Ustelkeriagatik zigortutako Alfredo De Miguel langile duen Hazi fundazioak oharra kaleratu du, EAJko burukide ohiak betetzen dituen funtzioen inguruko informazioek eskandalua eta kritikak piztu ostean. Langile gisa De Migueli dagozkion eskubideak errespetatu zaizkiola eta... [+]
Araba Buru Batzarreko kide ohi Alfredo de Miguel Itsas Garapen Elkartearen ordezkari aritu da bidaia instituzionaletan edo Espainiako Ministerioarekin izandako bileretan. 2019an Arabako Auzitegi Nagusiak hamahiru urteko espetxe zigorra ezarri ostean eman diote ardura hori.
Auzitegi Goreneko Fiskaltzaren erabakia ez dator bat Arabako Fiskaltzaren irizpideekin, eta, beraz, De Miguel auzian ezarritako zigorrak mantendu edo murriztu ahal izango dira.
Ustelekeriagatik zigortutako Alfredo de Miguelek eta Koldo Otxandianok bi elkarte publikotan jarraitzen dute lanean: Hazin eta Miñanoko Parke Teknologikoan. De Miguelek, gainera, hiru soldata igoera eta karguz goratze bat izan ditu auzia hasiz geroztik.