Sardiniako Autodeterminazioaren Poloa sortu dute zortzi alderdi eta mugimenduk
Autodeterminazioaren Poloa sortu dute Sardiniako zortzi alderdi eta mugimenduk, "denboran irauteko intentzioarekin". Italiako alderdiekiko alternatiba gisa egin nahi dute bidea, azaroaren 25ean aurkeztu zuten, Sardinia Post egunkarian irakur daitekeenez.
Ondorengoek biltzen ditu aliantzak: Rossomori, “Sardos” elkartea, “Gentes”, “Comunidades” eta “Sardegna possibile” mugimenduak eta ondorengo alderdi independentistak: Liberu, IRS eta Sardigna Natzione.
2014an, alderdi soberanistek orotara botoen %18 eskuratu zuten, baina zerrenda ugaritan banatuta joan ziren. Aliantzak 2019ko hauteskundeetan garaipena bilatuko duela adierazi dute.