Poliziak Biurdanako (Iruñea) ikastetxe sarreran hamalau urte inguruko hainbat gazte miatu dituela salatu dute. Naiz-ek jakin duenez, agenteek ikasleei adierazi diete droga bilatzeko operazioa dela. Uniformerik gabe zeuden poliziak, eta ez dute zehaztu zein polizia-kidegoren parte diren.

Miatu duten ikasleetako baten aitak Twitterren azaldu du txakurrak usnaka aritu zaizkiela. Polizien harrokeria salatu dute sare sozialetan; gazteek esan diete klasera berandu iritsiko zirela, eta agenteek erantzun "ez zela beren arazoa". Azpimarratu dute ez dela horrelako zerbait gertatzen den lehen aldia.