Salatari lanak egitea proposatu zion Guardia Zibilak Melillako hesia zeharkatzea lortu zuen kamerundar bati
Taffou Nyame Renaud kamerundarrak salatu du Espainian bizitzeko aukera eman ziola Guardia Zibilak salatari lanak egitearen truke. Eskaintza onartu ezean deportatzearekin mehatxatu zuten 2014eko maiatzean Melillako hesia zeharkatzea lortu zuen gaztea.
Astelehenean atxilotu dute Renaud eta Bartzelonako Atzerritarren Internamendu Zentrora eraman dute. Poliziaren baimena izan arren, salatu du azken hilabeteetan hainbat aldiz eragotzi zaiola itsasontziz Melillatik iberiar penintsulara bidaiatzea, inolako arrazoirik eman gabe. Kamerunera deportatu dezakete orain, poliziak mehatxatu bezala.
Ustez Renaudek berak Melillako Guardia Zibilaren komandantzian egindako grabazio bat argitaratu du Periodismo Humano hedabideak. Grabazioan entzun daitezke kamerundarrak agente batekin ingelesez izandako ustezko elkarrizketaren pasarteak.
Grabazioan ingelesez entzun daitekeen elkarrizketa:
Guardia Zibila.: Laguntzen didatenei (penintsulara) joaten uzten diet eta gauza gehiago ere bai.
G.Z.: Ez dizut ordainduko, baina Europarako giltza, (...) agiriak eman bai.
G.Z.: Ez duzu Espainian bizitzeko baimena lortuko (...) Espainiako Gobernuak ez ditu egiten kanpotarrentzako dokumentuak. Bi aukera dituzu. Deportatzea posible badu, deportatu Gobernuak deportatu egingo zaitu. Bestela, Atzerritarren Internamendu Zentrorako papera soilik emango dizute.
Renaud: Ez dakit zergatik geldiarazten nauzuen hemen. Nire anaia irten zen. Nire familia eta nire ama sufritzen ari dira.
G.Z.: Esaten didazun guztia egiaztatuko dut (...) Gezurren bat esaten badidazu denbora luzez ikusiko zaitut hemen. Bestela, joaten utziko dizut.
R: Ezin dut informaziorik eman. Ez naiz polizia. Ez naiz guardia. “Beltzaran” bat besterik ez naiz. Ez da nire lana.
G.Z.: Baietz uste dut. Azkarra zarela uste dut, edo azkarra zarela pentsatzen duzula. Esaten ez dizkidazun gauza asko dakizkizula uste dut. Momenturen batean deitzen badizut Willy naizela esango dizut. Hori da jakin behar duzun izena.
Ondorengo bideoan gertakarien eta bere egoeraren inguruko deklarazioak egiten ditu Taffou Nyame Renaudek:
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
2006. urtean, Baltasar Garzonek, orduko epaile izarrak, errebelazio moduko bat izan zuen, eta jardunbide bat idatzi zuen, terrorismoagatik inkomunikatutako atxilotuen eskubideak bermatzeko. Epaile berak ehunka atxilotu inkomunikatu pasatzen ikusi zituen bere aretotik, horietako... [+]
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Nafarroan torturatutako ia mila pertsonaren errealitatea eraldatzen hasi berri dela azaldu du antolakuntzak. Nafarroako torturaren biktimen lehen aitortza ofiziala aurtengo apirilean egin zen, eta oraingoa antzeko prozesuetatik igaro diren beste torturatuekin eta gaian aditu... [+]
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]