Sagardui: “Zuzendaritza-taldeen zeregina da itunduta datorkiena betetzea”
"Zentzuzko" kargugabetzeak eta "antolakuntza-aldaketak" egin dira Gotzone Sagardui Osasun sailburuaren iritziz, "Osakidetzaren eta herritarren mesedetan". Organigramako eskala bakoitzak betebehar jakin batzuk dituela defendatu du sailburuak, eta ESI Donostiako arduradunak ez zetozen bat zuzendaritza nagusiak dituen asmoekin.
Bi bilera paralelo izan dira goizean: bata, Osakidetzako zuzendaritzarena, ESI Donostiako zuzendaritza taldearen berregituratzea zehazteko; eta bestea, Iñigo Urkullu Lehendakariaren eta Gotzone Sagardui sailburuaren artekoa. Azken orduotan bi kargugabetze eta gutxienez hiru dimisio izan dira Donostia Ospitalean, eta 28 zerbitzuburuk idazki gogorra helarazi dute Osakidetzaren eta Osasun Sailaren jarduna salatuz: besteak beste, "politika suizidak, bertikalak eta zentralizatuak" dituztela adierazi dute.
Osakidetzak eguerdirako baieztatu du ESI Donostiako zuzendaritza lehenbailehen berregituratuko zela, eta halaxe egin du: Bidasoako ESIko egungo burua, Agustin Agirre, arduratuko da behin-behinean Gipuzkoako zentrorik handiena kudeatzeaz; eta Ana Bustinduy, berriz, mediku zuzendari. Bidasoa Ospitalean hilabete batzuk soilik daramatza Agirrek beharrean: aurrez, Debagoienako ESIan egona da arduradun lanetan, eta bertan kointziditu zuen 2018ko lan-eskaintza publikorako deialdian iruzurrak salatu zituzten hiru anestesiologoekin. Horietako bik beraien kabuz utzi zuten lanpostua, "jazarriak" izan zirelako; lanpostua utzi zuen Roberto Sanchezek iragan udaberrian adierazpen publiko batean salatu zuen Agustin Agirre zela sorgin-ehiza horretako partaide.
Berregituraketa horien berri emanez hasi du agerraldia Gotzone Sagardui Osasun sailburuak, ordu erdiko atzerapenarekin eta Lehendakariaren ia bi orduko bilera bat izan ondoren. Tarte horretan, dimisio hotsak zabaldu badira ere, halakorik ziurtasunez ukatu eta horretarako aukerarik ere ez du jarri mahai gainean sailburuak, galderei ere iskin eginez. Izan ere, nabarmendu nahi izan du ESI Donostiako zuzendaritza-taldea ez dagoela biluzik eta "aldaketa hauek guztien mesederako" izango direla. Gainera, argi esan du, zuzendaritza-talde berri hauetako kideek partekatzen dutela Osakidetzako goi-kargudunen ikuspegia.
Kargugabetzearen arrazoiak aletu ere egin gabe, ulertzera eman du lehendik ere bertako arduradunekin bazituztela desadostasunak. Baina, edonola ere, azpimarratu du erakunde bakoitzak eginkizun zehatza izaten duela, eta zuzendaritza-taldeen zeregina izan ohi dela itaunduta datorkiena betetzea.
Satse Euskadiko Erizainen Sindikatuak deitu du greba, eta udako murrizketek eragindako lan karga arintzeko neurririk ez hartzea leporatu dio Osakidetzari.
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.
Osakidetzak jarritako helegitea ez du onartu Euskadiko Auzitegi Nagusiak. Azaroan gelditu egin zuen Gurutzetara lekualdatze prozesua Arabako epaitegi batek.
Zuzendaritza ospitale barruko kideez osatzea, mahai teknikoa osatzea langileen ordezkaritzarekin, "behetik gorako" lan ebaluazioa, langileen egonkortzea eta Onkologikoaren hitzarmen berriaren inguruan azalpenak jasotzea. Bost puntu horietan ardaztu dituzte... [+]
Osakidetzako sindikatu guztiek bat eginda, SATSEk, ELAk, LABek, SMEk, CCOOk eta UGTk deialdi bateratua egin dute abenduaren 22an zentro guztien atarian biltzeko. Opor garaiaren ondoren, protestak kalera eramatea ere aurreikusi dute.
Gidoi itxi-itxiarekin agertu da Osasun sailburua Legebiltzarrean, Donostia Ospitaleko egoeraren berri era xeheagoan ematera berez, baina galdera guztiak saihestu egin ditu. Oposizioko alderdi guztiek etengabe salatu dute lotsagarria eta larria dela jarrera hori izatea, eta... [+]
Minbiziaren aurka egiteko CAR-T terapia abian jarriko du Osakidetzak urte eta erdi barru; non eta Donostia Ospitalean soilik eskainiko da zerbitzua. Horregatik, zentroak erreferentzia galdu baino, irabazi egingo duela jakinarazi du Sagarduik. Dena den, oposizioko... [+]
Eguerdian iragarri dute erabakia, “elkarrizketan aurrera pausoak” ematen ari direla argudiatuta.
Politika egin eta Jaurlaritza edota EAJri min egitea ez dela osasun langileen asmoa, eta gatazka hau ez dela zentroen arteko lehia ere adierazi du Felix Zubia Donostia Ospitaleko ZIUetako buruak Euskadi Irratian.
Onkologikoa Osakidetzan saretu nahiak zeresana du kargugabetze, dimisio eta protesta olde honetan. Osakidetzaren jarrera "zentralizatu eta bertikala" salatu dute Donostia Ospitaleko profesionalek, uste baitute ez dela entzuten beraien iritzia zerbitzua kudeatzeko... [+]
Azken egunotan larriagotu egin da Osasun sistemako profesionalen eta zuzendaritzaren arteko talka. Donostiako Ospitaleko 28 zerbitzuburuk gutun ireki bat sinatu dute eta salatu zuzendaritza taldeak funtzionatzeko modu inposatzailea darabilkila luzaroan. Gainera, komunikazio... [+]
2018ko Lan Eskaintza Publikorako deialdian iruzurrak salatu zituen langiletako bati, egoera "jasanezina" egin zion orduan ESI Debagoienan zuzendari zen Agustin Agirrek. Orain, ESI Donostiako zuzendaritza kargua hartu du, eta Jaurlaritzako Osasun sailburuak esan du... [+]