Rikardo Arregi sariak jaso dituzte Kulturrizketak eta Kixotenean-ek
Andoaingo Udalak deitzen dituen Rikardo Arregi kazetaritza sariak banatu dituzte larunbatean. Kulturrizketak telebista saioak jaso du sari nagusia eta Kixoteneak erreportaje ilustratuen liburuak aipamen berezia.
Goiena Telebistaren Kulturrizketak saioak sari nagusia jaso du, “saio modernoa” dela azpimarratuta. Epaimahaiaren arabera, "bizi garen garai bizkorretan pausaldia egiteko aukera ematen du modu atsegin eta entretenigarrian, eta, aldi berean, arinkeriatik urrun. Gaurkotasun betea duten gaiak aztertzen dira, nahiz eta agenda komertzialetik kanpo dauden gaiak izan. Hori guztia ikusarazten eta aztertzen asmatu du Kulturrizketak saioak”.
Finean, Rikardo Arregi sariekin sustatu nahi den kazetaritza ereduarekin bat datorrelako izan da saritua, epaimahaiaren esanetan: "Kalitatea, garaian garaiko beharrizanetara egokitua izatea, modernotasuna, bikaintasuna, berrikuntza eta eredugarritasuna". Oihane Agirre, Goiena telebistako zuzendaria, eta Txomin Madina, Monika Montero, Andoni Bodes eta Mikel Ezkerro saioa egiten duen lantaldea izan dira saria jasotzen.
Sari berezia, 'Kixotenean' erreportaje bildumari
Epaimahaiaren sari berezia Iñigo Astiz kazetariak eta Maite Mutuberria ilustratzaileak jaso dute Kixotenean erreportaje liburuagatik. Berria-rako hasi zuen Astizek Miguel de Cervantesi buruzko erreportaje sorta, haren heriotzaren laugarren mendeurrena zela eta. Ostera, Elkarrek argitaratu zuen liburu gisa Mutuberriaren ilustrazioekin.
Literatura, kazetaritza eta ilustrazioak uztartu izana azpimarratu du epaimahaiak, eta proiektua "sorkuntza paregabea" dela gaineratu, "irakurterraza eta era berean oso goi-mailakoa".
Epaimahaiak, bestalde, bi aipamen berezi ere egin ditu. Noticias taldeak argitaratzen duen Ortzadar gehigarriari izan da bata, 20 urte bete dituelako, eta Eguna euskarazko lehen egunkaria bestea, duela 80 urte sortu zelako. Bizkaiko Foru Aldundiko Kultura diputatu Lorea Bilbaok jaso zuen bigarren saria, Aldundia baita bilduma osoa duen erakunde bakarra.
Azkenik, Kazetari Berria saria, hutsik geratu da aurten, lehenbiziz sariak banatzen hasi zirenetik, epaimahaiaren arabera jaso dituzten lan gutxiek ez zutelako saria jasotzeko mailarik.
Bideak podcastak Kazetaritza saria irabazi du, eta Lore hostoak podcastak Komunikazio saria. Menane Oxandabaratz omendu dute Ohorezko Mugarriarekin.
Aurtengo finalisten berri eman du Rikardo Arregi Kazetaritza Sariaren epaimahaiak. Azaroaren 30ean izango da sari banaketa ekitaldia Andoainen. Zortzi finalisten artean Kazetaritza eta Komunikazio sari bana emateaz gain Elixabete Garmendia eta Patxi Baztarrika omenduko dituzte... [+]
Rikardo Arregi Kazetaritza Sariaren deialdia aurkeztu dute Donostian. Azaroaren 25ean egingo dute sari banaketa ekitaldia eta Martin Ugalde idazle andoaindarra omenduko dute.
Aldizkari digitalak Komunikazio saria jaso du, eta Hurbiletik saioak, berriz, Kazetaritza saria.
Rikardo Arregi Sarietan euskarazko kazetaritzan mugarri izandako hamar proiektu komunikatibo omendu dituzte aurten. Horien artean Anaitasuna aldizkariaren zuzendari ohia, Angel Zelaieta, nire aitatxo. Begoña Arregiren eskutik jaso zuen saria; benetan, momentu hunkigarria... [+]
Rikardo Arregi saria jaso du ARGIAk ostiralean eta 1980an ARGIAri eutsi eta ekin zion lehenengo lantalde hari eskaini diogu. Langile talde horren ordezkari, Joxemi Zumalabe gogoan, Josu Landak, Iñaki Uriak, Joxemari Ostolazak eta Pello Zubiriak jaso zuten, Estitxu... [+]
Urtero Andoaingo Udalak euskarazko kazetaritzako lanak nabarmenduz ematen dituen Rikardo Arregi Sariek 30. aldia izan dute aurtengoa. Horregatik, ekitaldi berezia izan da urriaren 26an Bastero antzokian egindakoa eta baita sarien planteamendua ere: "Hamar mugarri" izan... [+]
Rikardo Arregi Sariak aurten 30. edizioa ospatu du. "Hamar mugarri" saritu ditu aurtengoan, eta horien artean bat "Zeruko Argiatik ARGIAra" izenekoa izan da. ARGIA egiten duen egungo lantaldeak, bereziki eskaini zion saria 1980an ARGIAri eutsi eta ekin zion... [+]
Sustrai Colinak jaso du Rikardo Arregi Sari Nagusia, ARGIAn eginiko elkarrizketengatik. Amagoia Gurrutxagak Sari Berezia irabazi du, Kristiane Etxaluzi Jakin aldizkarian egindako elkarrizketa-biografiagatik. Eta Unai Oiartzunek merezi izan du Kazetari Berriaren saria, Irunero... [+]
Sari Nagusia jaso duten lanak ARGIAko elkarrizketak izan dira (Aiurrik grabatutako bideoan Colinaren bertsoak ikusentzungai). Kristiane Etxaluzi Jakinen eginiko elkarrizketa-biografiak jaso du Sari Berezia. Eta Irunero udal aldizkariko erreportaje sortagatik hautatua izan da... [+]
Julen Iriondo Martinez de Zuazok jaso du euskarazko kazetaritzaren XXVII. Rikardo Arregi sari nagusia eta Samara Veltek kazetari gaztearena. Mikel Ibargoien eta Iñigo Astitzen lanek sari berezia izan dute.