Esbastika bat –alderantziz– margotu dute bart Remi Ayestaran zenaren omenezko oroitarrian. Remi Gogoan plataformak agerraldia egingo du datozen egunotan pintaketa gaitzesteko.
Horrez gain, eta 2010. urtetik egin izan duten moduan, uztailaren 31n omenaldia egingo diote bere izena daraman pasealekuan, 20:00etatik aurrera. Dantzariak, bertsolariak eta musikariak izango dira omenaldian.
Albiste hau Tolosaldeko Atariak argitaratu du eta CC-By-SA lizentziari esker ekarri dugu ARGIAra.