Espainiako Liburutegi Nazionalaren funts digitalean egin du aurkikuntza poeta autodidakta batek, eta sareetan zabaldu du. Izukantza europa ziar izena du poemak; jatorriz, gazteleraz, Un fantasma recorre Europa. 1934koa da.
Malagako herritar batek aurkitu du Rafael Albertiren olerki euskaratu bat, Gasteizen editatzen zen 5 aldizkariak publikatu zuena 1934an. Aldizkariak lau ale baino ez zituen kaleratu, guztiak 1934an, apiriletik ekainera. Gasteizko eta Arabako berri eman ohi zuen aldizkariak, ikuspegi literario batetik, eta ipuinen bat ere sartu ohi zuten. Espainiako Liburutegi Nazionalaren funts digitalaren esteka honetan aurki daitezke 5 aldizkariaren bost aleak.
Aldizkari horren lehenbiziko alean aurki daiteke euskaraturik Rafael Albertiren olerkia, edo poemaren hondarrean aipatzen den moduan, Alberti tarr Errapel-ek idatzia. Poemak, jatorriz Un fantasma recorre Europa izenburua zuen, eta Izukantza europa ziar gisa itzuli. Itzulpenaz arduratu zena Olha izan zen.
