PSNk ikurrinaren aurkako manifestaziora deitzeak haserrea eragin du alderdiaren bueltan
Nafarroako banderaren defentsan larunbat honetan Iruñean egingo den manifestazioak aldekotasunak eta aurkakotasunak biltzen jarraitzen du. Deitzaileek protesta egingo dute Nafarroako Legebiltzarrak onartu duelako egungo Sinboloen Legea bertan behera uztea.
Atzean utzitako Sinboloen Legea 2003koa da eta debekatu egiten du Nafarroako edozein instituziotan ikurrina egotea. Funtsean, onartu zen udaletan jar ez zedin, bestelako instituzioetan ez baitzegoen horrelako arriskurik, UPNk eta PSNk guztiz kontrolatzen zituzten eta.
Orain, akordio programatikoa betez, Nafarroako aldaketaren aldeko lau indarrek lege hura alboratu dutenean, eskuina kalera aterako da Nafarroako banderaren defentsan. Nafarroako bandera, dena den, inork ez du zalantzan jartzen, esparru politiko osoak bat egiten baitu harekin; beraz, argi da, funtsean, mobilizazioa ikurrinaren aurkakoa dela.
UPNren eskua mobilizazioaren atzean
Hainbat kolektibok deitu dute manifestazioa, baina hasieratik ikusi zen UPNren eskua zegoela guztiaren atzean, deialdiak haren egoitzatik bidaltzen ziren. UPN, PP, Falange Española, Comunión Tradicionalista Carlista eta Vox moduko alderdiek berehala eman zioten bere sostengua manifestazioari. Eta egun batzuetara, PSNk ere bai.
Horrek eztabaida handia ekarri du hainbat eremu politiko eta sindikaletan. Esaterako, CCOOk eta UGTk ofizialki ez zirela egongo erabaki zuten, nahiz eta azken honek askatasuna eman dien afiliatuei nahi dutena egiteko. Baina PSNren baitan ere urak nahasi datoz gaiarekiko. Sozialista Gazteak eta Izquierda Socialista korrontea aldendu egin dira alderdiaren erabakitik, eta manifestaziora joatearekiko desadostasuna publikoki agertu dute.
Berdintsu egin dute PSNko hainbat zinegotzik ere. Esate batera, Viana eta Tafallako zinegotzi gehienak joatearen aurka agertu dira eta Atarrabiako zinegotzia abstenitu egin da.
Manifestazioaren deitzaileak ekitaldira bakarrik Nafarroako bandera eramateko deia egin dute. Beldur dira, beste halako manifestazioetan gertatu den legez, Espainiako banderak ere ugariak izatearekin eta horrekin manifestazioaren irudia desitxuratzearekin. Manifestazioa 18:00etan hasiko da Nafarroako Legebiltzarrean eta, ondoren, Yanguas y Miranda, Nafarroako Gorteak eta Carlos III.a kaleak iragan ondoren, Gazteluko Plazan amaituko da.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.
Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]
Aurten dagoeneko zazpi aldiz baino gehiagotan egin diete eraso Donostiako Ikatz kaleko Herria taberna kanpoan jarritako ikurrinari, arrano beltzari eta presoen ikurrari. Oraingoan, baina, gertatutakoa grabatu dute.
Aberri Egunaren bezperetan farol batetik ikurrina bat zintzilikatzeagatik Mozal Legea aplikatu zien Gasteizko Udalak hiru herritarri. Astebeteren buruan, zigortuek 300na euroko isun bana jaso dute "erabilera edo zerbitzu publikoko ondasun higigarriak edo higiezinak"... [+]
Aberri Egunaren ataritan farola batetik ikurrina zintzilikatzen ari zirela identifikatu zituen hiru pertsona Gasteizko Udaltzaingoak. Mozal Legea aplikatu diete, eta 100 euroko isuna jarri bakoitzari.
Aurreko legealdian aldaketaren lau alderdiek 2017an desegin zuten 2003ko Ikurren Legea berriz itzuli da Nafarroara. Garai hartan, UPNren eta PSNren corralitoa indar betean zegoen eta bi alderdiek Ikurren Legea atera zuten aurrera funtsean ikurrina udaletan jar ez zedin.
Nafarroako Legebiltzarrean tramitazio konplikatua izan ondoren, ostegun honetan eztabaidatuko dute Foru Erkidegoko Ikurren Lege berriaren inguruan. Eskuinak proposaturiko legea guztiz urardotuta, PSNren baiezkoa aurreikusten da.
Ez dirudi Navarra Sumak babes nahikorik izango duenik bere Ikurren Legea indarrean sartzeko: Nafarroako Legebiltzarreko alderdiek aurkeztutako zuzenketek adierazten dute gehiengoa ez dagoela alor horretan arau murriztaile eta zigortzaileen alde.
Bandera handiekin sartzea debekatzen zuen agindua ez betetzea egozten diete sei gazteei.
"Banderak trapuak besterik ez dira”, aldarrikatzen dute munduko hiritarrek, inongoak ez, eta toki guztietakoak direnek. Bitxia da, baina halakoak beti izaten dira estatua daukaten banderapekoak.
Gurean ere zabaldu da jarrera hori sektore independentista batzuetan... [+]
Enrique Maya Iruñeko alkateak egin ahalak egin zituen ikurrina eta bestelako aldarrikapenak sanferminetako txupinazoan egon ez zitezen, baina ez zuen lortu, horretarako bitarteko ugari jarri bazituen ere.
Korrikalari talde batek udaltzainek astearteko entzierroan izandako jarrera kritikatu du agerraldi batean. Poliziek hiru pertsona identifikatu, horietariko bi atxilotu eta laugarren bat zauritu zuten.