Tabernara, elizara, futbol zelaira edota autobusera sartu nahian dabilen gizonezko bat da sareko erabiltzaileak haserrerazi dituen bideoko protagonista. Alderdi sozialistak zabaldu du bideoa, eta bertan agertzen den gizonezkoari ez diote uzten gune horietan sartzen. Bideoaren amaieran Idoia Mendia hautagai sozialistaren ahotsa entzuten da, eta hark dio ezetz: halakorik ez dela gertatzen Euskal Herrian... administrazioan izan ezik.

Gazteleradunei egiten zaien balizko bazterketa salatzea du helburu ikus-entzunezkoak, eta irailaren 25eko hauteskundeen ostean egoera horri buelta emateko prest agertzen da Mendia. Aurkako erreakzioak berehala etorri dira. Kontseiluak, esaterako, "benetako eztabaida saihestu nahi izatea" leporatu dio PSE-EEri, eta "interes politiko zehatzak asetzeko gezurrak zabaltzea zilegi ez dela" gaineratu du, prentsa ohar batean.

Hizkuntza politika hauteskunde kanpainetako gai nagusietakoa izan beharko litzatekeela aldarrikatu du Kontseiluak, "gure eskubideak bermatzeko alderdiek zer-nolako proposamenak egiten dituzte jakin behar baitugu herritarrok". Horren ordez, PSEk gaia desitxuratu duela iritzi diote, "elementu faltsuak baliatuz". Kontseiluak gaineratu du alderdiek ez diotela erantzuten euskaraz bizi nahi duten herritarren galdera nagusiari: zer epetan gauzatuko den nahi hori.    

Sareko erabiltzaile asko ere haserretu ditu sozialisten bideoak, errealitatearekin bat ez datorrela iritzita. PSEren agintaldian Eusko Jaurlaritzako Kultura sailburu izandako Blanca Urgell ere kexatu da.

@IbanZ @joxe Elebakarren biktimismoa hauspotzea. Horixe falta genuen! @socialistavasco

— Blanca Urgell (@b_urgell) 12 de septiembre de 2016

.@socialistavasco @IdoiaMendia Auzolotsa #JuntosBatera Euskara eskubidea eta normalizazioaren aurka atera duzuen bideoarekin

— ELA Hezkuntza (@ELAhezkuntza) 12 de septiembre de 2016

Euskaldunon kontrako beste eraso bat: @socialistavasco eta @IdoiaMendia, elebakarrak zarete "inposatzaile" bakarrak! pic.twitter.com/ZImnhXmIS0

— Gazte Abertzaleak (@gazte) 12 de septiembre de 2016

. @socialistavasco oztopoa euskara ikasi nahi ez duzuenak zarete.

— Hodei Otegi (@hodeiOtegi) 12 de septiembre de 2016

@socialistavasco @PSEGIPUZKOA oztopoa euskaraz bizi nahi dugunok dugu. Administrazioak bermatu egin behar ditu bi hizkuntzak Zinikoak zarete

— Aitzol P (@Bakardadetik) 12 de septiembre de 2016

@socialistavasco #EuskaraAskatasunean Noizbait saiatu al zarete Administrazioan euskara hutsean sartzen? Benetan? #Nazka

— Izaro Basurko (@ibasurko) 13 de septiembre de 2016

 

@socialistavasco ikaragarria da bideoa, @DenisItxaso, ikaratzeko modukoa. Amorrua sentitu dut, baina batez ere pena izugarria #quovadis?

— Ander Gortazar (@derzu_uzala) 12 de septiembre de 2016