argia.eus
INPRIMATU
Argia Sariak banatuko ditugu gaur Usurbilgo Atxega jatetxean

  • Gaur, ostirala, Argia Sarien 31. edizioa egingo dugu Usurbilgo Atxega jatetxean. Euskal kultura eta gizarteko ehundik gora lagun bilduko dira bertan eta streaminez ere jarraitu ahal izango dira ARGIAren webgunean.

ARGIA @argia 2020ko urtarrilaren 31
2019ko edizioko irabazleak. Goian, ezkerretik eskuinera: Aritz Leoz (Altsasuko Gurasoak), Juan Carlos Etxegoien Xamar, Miriam Urkia (Euskaltzaindia), Iñaki Dorronsoro (Eusko Ikaskuntza), Pello Urzelai (Berria) eta Maialen Sagues (Askekintza). Behean, ezkerretik eskuinera: Antton Ramirez, Isabel Pozueta eta Izaskun Etxeberria (Altsasuko Gurasoak), Gari Garaialde, Maite Asensio (Berria) eta Ion Cerezo (Askekintza). Argazkia: Dani Blanco.

1989an hasi ziren banatzen Argia Sariak honako alorretan: ikus-entzunezkoa, irratia, prentsa idatzia, internet eta kanpaina. Argiako lantaldeak egoki ikusten duenean, halaber, merezimenduzko saria ere ematen dio euskal kulturan nabarmendu den pertsona, proiektu edo ekimenari. Sari banaketa bazkalostean egingo da.

Iazko sarituak honakoak izan ziren: Gari Garaialde (prentsa), Indarkeria matxistaren biktimen mapa (Internet), Euskara Jendea irratsaioa (irratia), "Gurean" dokumentala (ikus-entzunezkoak), Altsasuko gurasoak (kanpaina) eta Eusko Ikaskuntza eta Euskaltzaindia (merezimenduzkoa).

Sarien jarraipena Twiterren hemen: #ArgiaSariak.

Aurreko urteetako saridunen berri izateko Argia Sarien kanalean aurkituko duzue informazio gehiago, eta Argia Sarien historiari buruz gehiago jakin nahi baduzue lotura honetan eman genuen sakon.