Larunbat gauean 21 mendietara igo da ehunka herritar, “presoak etxera” leloak bultzatuta. Gauean suak piztu eta dantzez eta kantuz jantzi dute aldarria.
Buztanzelai, Artzamendi, Arranomendi, Oilandoi, Baigura, Soihartze, Gorramakil... Ipar Euskal Herriko 21 mendietara igo da ehunka herritar ekainaren 20an, taldean. Euskal preso politikoei babesa adieraztea eta haien etxeratzea aldarrikatzea izan da ekimenaren xedea.
Egunean zehar igo dira herritarrak. Gaua heltzean suak piztu eta aldarrikapena, kanta edo dantza uztartu dituzte. Kanaldude-k bideo hunkigarri batean laburbildu du jardunaldia:
Larunbata 20 ehunka herritar igo dira Ipar Euskal Herriko 13 mendi kaskora, "Presoak etxera" lelopean.
— Kanaldude (@Kanaldude) June 21, 2020
Hemen partekatuak izan diren edo igorriak izan zaizkigun bideoen bilduma bat.https://t.co/hkM4pfOvhL pic.twitter.com/GrzUPoNZqS