Ostegunean egin dute lehen etapa, Lekunberritik irten eta Hernanin amaituz. Larunbaterako prestatuta zeuden Hego Euskal Herriko lau ibilbideetatik hiru bertan behera utzi dituzte COVID-19aren ondorioz.
Sare Herritarrak euskal presoen eskubideen alde antolatu duen hirugarren bizikleta itzulia ostegun goizean irten da Lekunberritik. Dozenaka txirrindularik egin dute bat ekimenarekin, eta Hernanin amaitu dute lehen etapa. Ostiralean Urduñatik irtengo da martxa, Durangon amaitzeko.
Larunbateko lau martxetatik hiru bertan behera
Larunbatean amaituko da Izan Bidea bizikleta itzulia, baina ez antolatzaileek aurreikusita zuten moduan. Hasiera batean lau martxa iragarri dizuten Sarek larunbaterako, Hego Euskal Herriko hiriburuak hurbileko espetxeekin lotuz: Zaballatik Gasteizera; Martutenetik Donostiara; Basauritik Bilbora; eta Iruñeko espetxetik hiriaren erdigunera. Bizkaiko martxa soilik mantentzea erabaki dute Izan Bidearen arduradunek, COVID-19aren ondorioz. Goizeko 09:00etan abiatuko dira txirrindulariak Basauriko espetxeetik, San Mames aurrean amaitzeko.
🎥 [BIDEOA] 🚴♀️
Gaur goizean Lekunberritik atera eta Hernanira ailegatu da III.Bizikleta Itzuliaren lehengo etapa. Pedalkadaz pedalkada preso eta iheslariak etxeratzeko bidea egitera goaz! Mila esker guztiei. #IzanBidea #ibiltariensarea
» Bideo osoa: https://t.co/HpmjtmZMK9 pic.twitter.com/QLYtlNpV4r
— Sare #IzanBidea ↗️ (@sare_herritarra) July 23, 2020