Bilboko “miseria laborala” ikustarazteko martxa egin du ELAk
ELAk antolatuta, EiTBn hasi eta BBVAn amaitu den prekarietatearen kontrako martxa egin dute ostiral goizean Bilbon, ibilbidean zehar aurkitu dituzten “esplotazio errealitateak” salatzeko.
Sindikatu abertzaleak prekarietatea salatzeko abian jarri duen kanpainaren barruan, ekitaldi berezia izan dute honakoa. Prekarietatearen ibilbide gidatu bat antolatu dute Bilbon barrena: “Miseria laborala ugaria da –diote ELAtik– eta askotan multinazional edo bertoko enpresa ezagunek planifikatuta eta antolatuta dago”.
Prekarietate hori “ikustarazi eta salatzeko” hainbat geldialdi egin dituzte ibilbidean eta elkarretaratzeak egin, enpresa edo administrazio publiko esanguratsuetan dauden lan-baldintza eskasak agerian uzteko helburuz.
#PrekarietateariSTOP traola erabiliz martxaren inguruko mezu eta argazkiak zabaldu dituzte Twitter bidez bertan parte hartu dutenek:
Martxa hasia dogu #prekarietateariSTOP salatzen. pic.twitter.com/wYqROgxGx7
— kākāpō (@kakapo) 2016(e)ko apirilak 15
NH hotelaren parean salaketa: Azpikontratazioa, sektore publikoko prekarietatea, emakumeona... #prekarietateariSTOP pic.twitter.com/AvofUjHplY
— PrekarietateariSTOP! (@prekariatua) 2016(e)ko apirilak 15
Osakidetza ere errudun #prekarietateariSTOP Areilzako zentruan gaude. pic.twitter.com/1i24EFNGuh
— kākāpō (@kakapo) 2016(e)ko apirilak 15
Kanta bat. Marcha contra la precariedad en Bilbao #prekarietatearistop pic.twitter.com/RJDoP7tYnd
— EntelgyIbaiELA (@EntelgyIbaiELA) 2016(e)ko apirilak 15
Atento-ETBn Espainiako Estatuko telemarketing hitzarmena ezarriz 800 euro baino ez dutela kobratzen salatu dute, EiTB taldeko EEEak eta behin-behinekotasuna ere bai; NH Villa Bilbao hotelean azpikontrataturiko garbitzaileek gela bakoitzeko 2,5 euro kobratzen dutela, Osakidetzako pribatizazioa, Bellas Artes museoan outsourcing kontrataturiko langileen baldintzak, Iberdrolako azpikontratetako erabateko prekarietatea... Azken batean “agerrarazi zelan sufritzen ari den jende arrunta lan munduan”.
ELAk, administrazioetako agintariak ere “seinalatu” nahi ditu ekimen honen bidez, “ez baitute ezer egiten errealitate krudel hau aldarazteko”.
Martxaren inguruko argazki-albuma paratu du sindikatuak Flickr-en.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]