Prebarikazioagatik salatu ditu Lanbideko zuzendari nagusia eta prestakuntza zuzendaria herritar batek
Jasotzen zuen Diru Sarrerak Bermatzeko Errenta eteteko prozeduran prebarikazioa, dokumentu bat faltsutu eta estali izana egotzi die herritarrak Borja Belandia eta Juan Ibarretxeri.
El Mundo egunkariak ekainaren 26an zabaldutako albistearen arabera, Gasteizko Auzitegia aztertzen ari da ea zantzurik baden Lanbideko zuzendari nagusi Borja Belandiak eta Enplegurako eta Diru-sarrerak bermatzeko Prestakuntza zuzendari Juan Ibarretxek prebarikazio, dokumentuen faltsutze eta estaltze delituak egin izanaren zantzurik baden. Delitu horiek sei urtera arteko kartzelarekin eta langile publiko gisa ezgaitzearekin zigortzen ditu Zigor Kodeak.
EAEtik ateratzea ez komunikatu izana, irizpide-tranpa
Salaketa jarri duen herritarrari DSBE eteteko prozedura urtarrilaren 19an hasi zen, lehen komunikazio ofizialarekin. Idazki ofizial labur horrek Ibarretxe eta Belandiaren sinadura zeramatzan eta argudiatzen zuen DSBEren hartzailea Frantziara joan zela 2016ko abuztuan eta irailean, Lanbideri hori jakinarazteko "obligazioa" bete gabe. Instrukzio epaitegian DSBEren hartzaileak aurkeztu duen dokumentazioa Eusko Jaurlaritzaren erregistroan konpultsatu zuen bere egiazkotasuna bermatzeko. Salaketan gehitu dute Manuel Lezertua Arartekoaren gutun bat dioena "Lanbidek ez duela betebehar hori jakinarazten, betebeharra existitzen ez delako". Juridikoki oinarririk ez duen irizpide horren ondorioz 700dik gora herritar DSBE jaso gabe geratu direla salatu dute auzitegitan hamabi gizarte eragilek.
Lanbideren lehen jakinarazpen hura jaso ostean, DSBEren hartzaileak alegazioak aurkeztu zituen, irregulartasunen berri emanez, baina Lanbidek atzera bota zituen eta errenta eten zion, martxoaren 23ko jakinarazpenak Belandiaren sinadurarekin zioen moduan. Jakinarazpen horretan, Lanbidek aldatu egin zituen edukizko bi elementu. Batetik, agiriak jarraitzen du esaten DSBE eteteko motiboa "EAEtik irten izana ez komunikatzea" dela baina ez du aipamenik egiten balizko helmuga Frantziara eginiko bidaia denik, espedientea irekitzean zehazten zuen moduan eta DSBEren hartzaileak ukatzen duena. Bestetik, desplazamendu horren data "abuztua eta iraila" zela zehazten zuen lehen jakinarazpenak, aldiz, martxoaren 23ko jakinarazpenean data "aztertutako epea" lausoak ordezkatu zuen, epe hori 2016ko irailaren 1etik 2017ko martxoko azken egunera artekoa izanik. Errenta eten ziotela berretsi ziotenean, kaltetuak oraindik ez zuen Lanbiderengandik jasoa Frantzian edo EAEtik kanpo kokatzen zuen frogarik.
Argazki-oina Lanbidek manipulatu ahal izan dion prentsako artikulua
Errenta ukatu izanaren oinarria apirilaren 25ean bidali zion kaltetuari: prentsako artikulu baten fotokopia, DSBEren hartzailea zikloturismoa egiten ageri zena. Lanbidek artikuluari gehitu zion argazki-oin faltsu bat, irailaren 3ko data agertzen zuena, baina data hori ez zen ageri ez paperezko aldizkarian ezta herri hedabide horren bertsio digitalean ere. Epaileari igorritako idatzian, kaltetuak salatu du "montaje zabar bat, hasiberri batek egingiko ebaki-itsatsia" dela Belandiaren sinadura daraman hori, eta errenta eteteko oinarria izan den hori "dokumentu aldatu eta faltsututakoa" dela. Horri gehitu behar zaio erreportaje hura, kaltetua argazkian Pirinioetan ageri zena, 2017ko urtarrilaren 31n argitaratu zela, baina errenta eten zion Lanbideren dokumentuak hamabi egun lehenagoko data duela. Kaltetuak Lanbideri eskatu dio ezagutzera emateko dokumentua manipulatu zuena nor izan zen, baina gaur arte ez du erantzunik jaso, eta horretan oinarritzen dute Belandiak estaltze delitua egin ahal izan duela.
Lanbidek ez du bestelako dokumenturik aurkeztu errenta etetea argudiatzeko, aldiz, kaltetuak "aztertutako epean" bere kontu korronte bakarrean egon diren diru mugimendu guztien berri bidali zuen Lanbidera.
Salaketa jarri duen herritarrak eskatzen du bi arduradun horien kondena, eta 60.000 euroko kalte-ordaina, ustezko delitu horietan duten ardura zibilagatik eta jasan duen kalte moralagatik.
Hainbat gizarte eragilek Lanbideren irizpideen aurka jarritako salaketa aurrera
Lanbidek ezarritako 75 irizpideetatik 28ren aurkako salaketa jarri zuten maiatzean hamabi gizarte eragilek. Gasteizko 3. Epaitegi Administratiboak tramitera onartu zuen. Dagoeneko ehunka herritar dira irizpide horietan oinarrituta DSBE gabe geratu direnak.
Eusko Jaurlaritzako Enplegu sailak emandako datuek erakusten dutenez, Diru Sarrerak Bermatzeko Errenta (DSBE) gaizki jasotzen duten herritarren artean apenas dago iruzurrik, eta gehien gehienean administrazioaren tramitazio atzerapenek eragindakoak dira. Ordainketa horiek gero... [+]
ESK sindikatuaren Argilan plataformak, Berri Otxoak plataformak eta Euskal Herriko Etxebizitza Sindikatu Sozialistak helegitea jarriko diote DSBEaren araudi berriari, prestaziorako sarbidea mugatu eta "eskubide gehiago murriztuko" dituelako euren esanetan.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
Diru Sarrerak Bermatzeko Errenta kobratzen hasi aurretik ere, prestazioa eskatu duen jendearen etxeak arakatzen ari da Ertzaintza: “Prebentzioaren izenean, egunero-egunero ari dira etxeetan sartzen; astakeria da eta jendea beldur da, modu oldarkorrean ari direlako,... [+]
Haurrak dituzten bi familia kaleratzeko duen asmoagatik ikatza bota dute Bilboko Santander banketxeko egoitzetako batean. EAJ, PSE eta Elkarrekin Podemosentzat ere izan dute ikatzik Olentzerok eta Mari Domingik, adostu duten Diru-sarrerak Bermatzeko Errentaren erreformak... [+]
Diru Sarrerak Bermatzeko Errentan aldaketak adostu dituzte Jaurlaritzak eta Elkarrekin Podemos-IUk: prestazioa jasotzeko malgutasun handiagoa eta eskatzaileentzat diru gehiago iragarri dituzte EAEn. Baina diru kopuruan, baldintzetan eta gestioan sakonduz gero,... [+]
Jaurlaritzak Gizarteratzeko eta Diru Sarrerak Bermatzeko Euskal Sistemaren Lege-proiektua onartu du eta Legebiltzarrean aurtengo urte bukaerarako onartuko dela espero da. Jaurlaritzaren esanetan, lege berriak jende gehiagori emango dio estaldura eta prestazioa jasotzen duen... [+]
Bizitzeko Gutxieneko Diru-sarrera onartu du Espainiako Gobernuak, EAEn eta Nafarroan lehendik ere daude DSBE eta Errenta Bermatua zeuden. Hala ere, milaka dir halako errentarik gabe geratuko direnak, desberdintasun sozialak maila asko baititu: generoan, nazionalitatean,... [+]
LAB sindikatuak adierazi du gizarte segurantzak hartu duela beregain berez zerbitzu sozialen eskuduntza den gutxieneko diru-sarreren errenta. Hego euskal herritarrentzat ez dakarrela onurarik azaldu du, eta burokratizazioa gehitzea ekarriko duela, "jasotzaileen... [+]
Diru sarrera aldetik baldintzak betetzen dituzten herritar askok ez dutela Espainiako Gobernuak onartutako errenta jasotzerik izango eta 462 eurok ez duela inor miseriatik ateratzen adierazi du Bazterkeriaren Aurkako Argilan-ESK plataformak.
Espainiako Gobernuak onartu duen bizitzeko gutxieneko diru-sarrera 460-1.000 euro artekoa izango da familia bakoitzarentzat. Hego Euskal Herrian, gutxieneko errenta horren osagarri izatera igaroko dira Diru Sarrerak Bermatzeko Errenta (DSBE) eta Nafarroako errenta.
Espainiako Gobernua onartzear den gutxieneko errenta izango da oinarri, eta horren osagarri izatera igaroko dira Diru Sarrerak Bermatzeko Errenta (DSBE) eta Nafarroako errenta. Hego Euskal Herrian Eusko Jaurlaritzak eta Nafarroako Gobernuak kudeatuko dituzte laguntzak.
2019 urte bukaeran 52.455 pertsonak jaso dute Diru Sarrerak Bermateko Errenta (DSBE). Hauetatik 10.418k lana badute baina oso prekarioa. Eta beste 13.421 pentsionistak dira. Azken sei urteetako txikiena da jaso dutenen kopurua.