Zein da zein Espainiako eskuin muturreko alderdi berrian?
PPren sektore kontserbadoreko zenbait kidek eta ETAren hainbat biktimak alderdi berria eratu dute maiatzeko Europar Batasuneko hauteskundeei begira, tartean Jose Antonio Ortega Lara eta Santiago Abascal daude. Rajoyri “jarrera nazionalistetara hurbiltzea” eta “egonean egotea” leporatzen diote.
Libertad Digital atariaren arabera, Vox deitu diote alderdiari. Lan ildoak, logotipoa, eta programa ostegunean aurkeztuko dituzte, prentsaurreko baten bidez.
Zeintzuk egongo dira alderdian?
Ortega Lara ETAk 1996tik 1997ra bahituta eduki zuen kartzeletako funtzionarioa da sustatzaileetako bat. 1987an egin zen PPko kide eta 10 urte geroago Burgoseko PPko zerrendetan sartu zen “mehatxatutakoekin elkartasunez”. 2008an utzi zuen alderdia, argitu gabeko arrazoiengatik.
Santiago Abascal amurrioarra da beste bultzatzaileetako bat. 1994tik 2013ra izan da PPko kide, baina “desadostasunengatik” utzi du. Europako Giza Eskubideen Epaitegiak ‘Parot Doktrina’ baliogabetu eta PPk epaia onartzea izan da “tentsioaren lehergarria”, Abascalen hitzetan.
Alejo Vidal Quadras PPko kidea eta egun Europako Parlamentuko presidente ordea izan daiteke formazio berriaren zerrenda-burua, zenbait medioen ustetan, baina oraindik ez dute ofizialki argitu. Oraindik ez dago formazioaren zerrandatan, baina askok esaten dute egongo dela. "Ongi etorria" litzatekeela ziurtatu dute Vox-eko buruek.
Eskutitz irekia bidali zion Zuzendaritza Orokorrari orain lau hilabete Kataluniako independentzia nahiaren eta ‘Barcenas auziaren’ aurrean hartutako jarrera salatuz. “Nazioa suntsitzen ari direnekin” biltzea aurpegiratu, eta PPko Batzar Orokorra deitzeko eskatu zion orduan Rajoyri. Erantzunik ez zuen jaso, eta beste alderdi bat egituratuko zuela esan zuen.
Terrorismoaren Biktimen Fundazioko presidente ohi Ana María Vidal-Abarcak ere parte hartuko du Vox-en. Orain zortzi urte, Biktimen Fundazioaren lehendakaritza utzi zuen, bertako kideak “politizatzen” ari zirelakoan.
Euskal Herriko Mugimendu Feministak aurtengo Martxoak 8ko mobilizazioak "faxismoaren, erreakzionarismoaren eta zapalkuntzaren aurkako aliantzak" ehuntzean ardaztu ditu.
Kepa Kortak Naiz-en idatzitako “Musikariaren jakituria” artikuluan faxismoa definitzeko... [+]
Errumaniako presidentetzarako kandidatu ohia Călin Georgescu, aurten berriro iragan behar diren hauteskundeetara erregistratzera zihoalarik, Poliziak atxilotu zuen otsailaren 26an. Egozten dizkioten krimenetarik bat “ordenu konstituzionalaren aurkako ekimenen... [+]
Martxoak 8an egindako pintaketak gainetik margotu dituzte ikur faxistekin Zuberoako hiriburuan. Horren aurrean elkarretaratzera deitu dute, astelehenean.
Behe bandako zutabea bezain erlojuaren aurka prestatzen ditut mozorroak, korrika, aztoratuta, zalantzaz, erretxin, estropezuka eta sarri arrakasta ez erabatekoarekin; adibidez, zutabe hau eta biharko mozorroa. Oraindik ez dakit bietako zein bukatuko dudan lehenago. Baina... [+]
Martxoaren 8a Getxo bere bizitokian igaro du: kumbia dekolonial eta antiarrazista topaketa antolatu du Algortako Herriko Tabernan, Abianen, Hija del Nopal DJrekin batera.
Argentinatik Getxora migratu zen Celeste Agüero, kantutegi herrikoi batekin eta poesia xuxurlatzeko... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Ikerketa bat egin dute Alemanian, hauteskundeen atarian: kontuak sortu dituzte TikToken, X-n eta Instagramen, eta aztertu egin dute algoritmoak zer nolako edukiak erakusten dituen. Guztietan, algoritmoak eskuinera eta eskuin muturrera jotzen du gehien, TikToken nabarmen.
Ekitaldian, Mileik motozerra bat oparitu dio Muski, murrizketa sozialen sinbolo eta aldarri gisa.
Sozialdemokratek inoizko emaitzarik kaskarrenak lortu dituzten arren, litekeena da demokristau kontserbadoreekin elkartzea eta gobernua osatzea. Botoen %28,5 jaso ditu CDUk, eskuin muturreko AfDk %20,7 eta SPDk %16,4.
LGTBIQ+ banderaren itzalpean eta mezu eta doinu antifaxistez inguratuta jarri du karpa Voxek.
Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
