“EAJk behin eta berriro eskatu dio Madrili frackingaren legeari helegitea aurkezteko”
Salaketa larria egin zion atzo Maria del Carmen Lopez de Ocariz PPko legebiltzarkideak EAJri, Gasteizko Parlamentuan. Lopez de Ocarizen esanetan, EAJk Madrilgo Gobernuari eskatu dio EAEko frackingaren aurkako legeari helegitea jartzeko, “legea onartu eta biharamunetik”.
Gogoratu behar da EAJ abstenitu egin zela legearen bozketan, baina orobat legearen arimaren alde agertu dela.
EH Bilduk energi autokontsumoari buruz aurkeztutako mozio bat eztabaidatzen ari zirela egin zituen Maria del Carmen Lopez de Ocarizek adierazpenok. Zehazki, hau esan zuen, Javi Carro jeltzaleari erantzunez: “ (…) behin eta berriro deitu, ministerioari behin eta berriro eskatu frackingaren legeari helegitea aurkezteko, ganbera honetan onartu eta biharamunean, eta hemen kontrakoa esaten (…), eta tematu egiten zarete, eta dokumentazioa eramaten diezue badaezpada ministerioan ez diren jabetu zer argudio erabil daitekeen [legeari] helegitea aurkezteko…”.
Ekainaren amaieran onartu zen EAEn frackinga eragozten duen legea. Hilabete geroago, Espainiako Gobernuak iragarri zuen asmoa zuela lege horren aurka helegitea aurkezteko Konstituzio Auzitegian, aurretik Nafarroako eta beste autonomia erkidego batzuetako legeekin egin bezala.
Hala ere, Madrilek ez du oraindik errekurtsorik aurkeztu. Iragarpen hura egin eta egun gutxira, Eusko Jaurlaritzak buletin bidez jakinarazi zuen Espainiako Estatuko eta EAEko administrazioen arteko Bitariko Lankidetza Batzordeak frackingaren aurkako legeari buruzko negoziazioak hastea erabaki zuela. Momentuz ez da publikoki ezer adierazi negoziazio horiei buruz, ezta hasita dauden ere.
Jaurlaritzaren asmoak, aurrera
Bestalde, joan den irailean EH Bilduk Jaurlaritzako Ekonomia Garapen Sailari galdetu zion ea zer asmo zuen SHESA entitate publikoaren bitartez hidrokarburoak esploratzeko dituen proiektuekiko, behin frackinga oztopatzen duen legea onartuta.
Arantza Tapia sailburuak erantzun zuen SHESAk bere egitasmo guztiei eusten diela oraingoz, eta enpresa pribatuekin sinatutako kontratuak indarrean daudela, "nola esploratzeko, hala –esplorazioa arrakastatsua izaten denerako– hidrokarburoak ustiatzeko". Guztira, mota horretako lau kontratu daude indarrean EAEn.
Tapiaren esanetan, SHESAren akordioak dituzten enpresa horiek kalte-ordainak eskatu ahal izango dituzte "baldin eta legeak indarrean jarraitzen badu eta /edo eteten edo deuseztatzen ez bada". Sailburuak ez zuen zehaztu kalte-ordain horiek nolakoak eta zenbatekoak izango liratekeen.
Dani Maeztu EH Bilduko legebiltzarkideak twitterren adierazi duenez, "Jaurlaritzak aurrekontuen bitartez aitortu du ez duela frackingaren legea beteko". 2016rako Eusko Jaurlaritzak bidali duen aurrekontu proposamenean, SHESAren hainbat lan daude aurreikusita, tartean frackingaren erabilera eskatzen duten hainbat esplorazio.
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Rapero ezaguna zen TíoBad gaztea Sayula de Aleman (Veracruz, Mexiko) herrian eta haren oihartzuna askoz urrunago ere heldu zen, Mexikon Barrena AEBetaraino. Bertsotan salatzen zituen narkotrafikatzaileekin elkar hartzen duten agintariak, kazetari eta ekintzaileen... [+]
Euskadiko Hidrokarburoak (SHESA) enpresa publikoak Espainiako Ingurumen Ministerioaren oniritzia jaso du Armentia 2 putzuan lanak hasteko. Zulaketak egiteko baimena eskuratzea Eusko Jaurlaritzaren, Arabako Aldundiaren eta Gasteizko Udalaren ardura dela adierazi du Fracking... [+]
Espainiako Biodibertsitaterako eta Ingurumen Kalitaterako Zuzendaritza Nagusiak egindako ingurumen-inpaktuaren azterlana aldekoa izan da Armentia-2 putzuan gasa erauzteko, txostenaren arabera zundak ingurunean ez baitu ondorio kaltegarririk eragingo. Horrenbestez, Espainiako... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.
2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna... [+]
AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek... [+]
Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.