PPk, EAJk eta UPNk porrot historikoa jasan dute, zamaketarien lege dekretuak ezetza jasota
Espainiako Gobernuak atzera bota du lortu zamaketa sektorea liberalizatzea helburu zuen legea, Kongresuaren ezezkoa jaso ondoren. Porrot historikoa izan da, 1979tik ez baitzen errege dekretu bat atzera botatzen. Zamaketariek greba deialdia ezeztatu dute.
PPk, EAJk, UPNk eta Foro Asturiasek alde bozkatu dute (142 boto), Ciudadanosek abstentziora jo du (33 abstentzio) eta gainontzeko alderdi guztiek aurkako botoa eman dute, horien artean EH Bildu eta PSOE (175 boto). EAJk baiezko botoa eman du, legea “onuragarria” izango litzatekeelako portuentzat.
Saioak jarraipen handia izan du. Portuko langileen zenbait ordezkarik Kongresuko tribunatik jarraitu dute eztabaida. Garaipen keinuak egin dituzte emaitzak jakin aurretik eta bozketa amaitu denean besarkada eta malko artean ospatu dute garaipena.
Aurreikusita zegoen moduan, zamaketarien sindikatuek ostiralerako deituta zuten greba ezeztatu dute. Antolín Goya Itsasoko Langileen Koordinadorako idazkari nagusiak eskerrak eman dizkie aurkako boza eman duten alderdiei eta eztabaidarako mahai bat sortzeko unea dela adierazi du. Sektorearen erreformaren aurkako greba bat bertan behera uzten duten laugarren aldia da, aurrekoetan Gobernuak dekretuaren onarpena atzeratu izanagatik hartu zuten erabakia.
2014ko abenduaren 11ko Europako epai batek zamaketa sistemaren funtzionamendua aldatzera behartu zuen Espainia. Gobernuak ez zuen erreforma gauzatu, baina 2017ko hasieran prozesua bizkortu zuen, lau artikulutako lege dekretua aurkeztuta, sektorea liberalizatzeko. Proposamenak, baina, ez du behar zuen babesa lortu. Porrotak egoera zailean kokatu du Espainiako Gobernua, Europar Batasunari azalpenak eman beharko dizkiolako.
Bilboko Estiba enpresa eta portuko zamaketarien artean dagoen lan-gatazkak ez du amaierarik: langile batzordearen gehiengoak greba deialdia luzatu du bi astez, azaroaren 9ra arte.
Txema Landeta Largo (Lutxana, 1962) Arrankudiaga-Zollon bizi da. 16 urte zituenean hasi zen portuan lan egiten, mekaniko gisa hasieran eta zamaketari moduan gero. 48 orduko grebari ekin zioten asteazkenean Espainiako Estatu guztiko zamaketariek. Bizi duten egoeraren inguruan... [+]
Cosco Shipping Ports Hong Kongeko multinazionalak, espainiar estatuko portuen edukiontzien jabe den enpresaren %51 erosi du.
Espainiako Estatuko zamaketarien lanuzteak maiatzaren 23an ziren hastekoak, baina lehen bost greba egunak bertan behera utzi dituzte sindikatuek eta patronalak adostutako aurre-akordioa dela eta.
Bilbo eta Pasaiako zamaketariek protesta egin dute Bilboko portuan eta EAJri aurpegiratu diote “langileen aldarrikapen zilegiekin negozioa egin nahi izatea”; zamaketaren liberalizazioaren alde bozkatu zuen EAJk Espainiako Kongresuan.
Zamaketariek greba egingo zutela iragarri zuten egunean blogean idatzitako artikuluaren itzulpena da hau. Otsailaren 15ean Espainiako Gobernuak atzeratu egin du erreforma eta langileek greba bertan behera utzi dute. Askoren ustez, langileen garaipena izan da, baina Gobernuak... [+]
Espainiako Sustapen Ministerioak beren lan baldintzak nabarmen kaltetuko dituen lege-dekretua indarrean sartu nahi du, Europatik datorren eskakizuna betetzeko. Erantzuna emateko estatuko zamaketariek greba iragarri dute otsailaren 20, 22 eta 24rako, orduak tartekatuz,... [+]