“Polizia muntaia” salatzeko kaleak hartu ditu Altsasuk
"Guardia Zibilaren eta komunikabideen muntaia politiko-mediatikoa" salatu dute 2.000 lagun inguruk, Guardia Zibilari eraso egitea leporatuta herriko bi gazte atxilotu, eta polemika piztu ostean.
Alde hemendik, utzi bakean, Telebista, manipulazioa, Zuek faxistak zarete terroristak eta Torturatzaileak kanpora oihukatu zuten larunbatean Altsasun bildutako 2.000 herritarrek, iragan asteburuan bi gazte Guardia Zibilari eraso egitea egotzita atxilo hartu, eta herritarrek "muntaia politiko-mediatikoa" izan dela salatu ostean.
Guardia Zibilaren presentziarekin igaro zituen kaleak Utzi bakean! lelopean antolaturiko manifestazioak. Hasi bezain pronto, "probokazioetan ez erortzeko" aholkatu zieten antolatzaileek manifestariei, eta ezbeharrik gabe garatu zen mobilizazioa, Guardia Zibilaren ibilgailu batek protesta geratzeko imintzioa egin bazuen ere.
Ibilbidea amaituta, "zirku mediatiko politiko poliziala" gaitzetsi zuen komunikatua irakurri zuen ordezkariak: "Bi gazte atxilotu, Altsasu militarki okupatu, eta herria iraindu dute hedabide gehienek. Dena dela, bertsio ofiziala desmuntatu dugu".
Nafarroako Gobernuari kritika
Nafarroako Gobernuari "epelkeriaz" jokatzea leporatu diote, izan ere, aintzat hartu du bertsio ofiziala, "beste inorekin hitz egin gabe, eta ikerketarik egin gabe".
(Albistea hau Euskalerria Irratiak argitaratu du eta bideoa Ahotsa.info-rena da, CC by-sa lizentzia baliatu dugu biak ARGIAra ekartzeko.)
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
