Politikaldiaren bitartez zientzia politikoak gizartera gerturatu nahi ditu Orreaga elkarteak
“Politikaldia Nazio Estrategian” jardunaldiak egingo dira abenduaren 13tik 15era bitartean, Orreaga elkarteak UEUren laguntzarekin antolatuta. “Menderakuntza arazo estrukturalei aterabidea ekar diezaiokeen errealismo politikoaren ardatzak herritarrei helarazteko asmoz” egingo dira Donostiako Koldo Mitxelena Kulturunean.
Orreaga elkartearen ustez politikak duen garrantziaz ohartuta antolatu dituzte jardunaldiak. Zientzia politikoen arauak gizarteari erakustea ezinbestekotzat jotzen dute.
Hiru eguneko jardunaldiak izango dira eta egunak gaika antolatu dituzte. Abenduaren 13an arratsaldeko seietan emango zaio hasiera, Olatz Zugazti musikariaren aurkezpenarekin.
“Politikaren Oinarrizko Kontzeptuak” izenburupean arituko dira lehen egunean. “Indar harremanetan dago oinarrituta politika, identitateen arteko indar harremanetan. Identitate horiek herriak dira. Ezinbestekoa da jakitea zein herrirekin identifikatzen garen, jakiteko zein jokotan sartu eta zeinetan ez”, diote antolatzaileek. Besteak beste Unibertsitateko ikasle eta irakasleek hartuko dute parte, tartean, Jesus Arregi EHUko irakaslea, Mikel Erauskin ekonomilaria eta Ane Ablanedo NUPeko eta UEUko irakaslea.
Abenduaren 14an “Burujabetasunetik” izango da goiburua. Kontzeptu dinamikoa da burujabetza antolatzaileen ustez, “herriek eguneroko ekintza guztietan mantendu eta erabili beharrekoa”. Orreaga elkartearen esanetan “herri psikologian erraietaraino barneratuta” dagoen gutxiagotasun konplexua gainditu beharra dago. Besteak beste Pako Aristi idazleak eta Eneko Bidegain idazle, kazetari eta irakaslea arituko dira gaiaren inguruan hizketan.
Jardunaldien azken egunean, abenduak 15, “Estatuaren Berrezarpena” goiburuarekin arituko dira. “Euskal herriak inoiz ez dio uko egin bere nazio izaerari, ezta orain hamabi mende eraiki zuen eta bortzaz kendu zioten estatuari ere”, azaldu dute. Estaturik gabeko herriak erakundeak indargabeturik dituela azaldu nahi dute eta horrek harreman politikoen jokoan deus egin gabe geratzea dakarrela. Hizlarien artean Asisko Urmeneta irudigilea eta Naroa Anabitarte EHUko irakaslea egongo dira.
Honakoa da jardunaldien egutegia:
Bizi garen gizartea erabat oinarrituta dago menpekotasunean. Mendeetan zehar gure bizitza horren arabera eratu da, eta poliki-poliki erabakitzeko eskumena, askatasuna eta burujabe izatea murriztuz joan dira. Batzuetan bortizki kendu dizkigute; besteetan, ordea, geuk eman ditugu... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Herritarrei eta Hernaniko enpresei energia aholkularitza eskainiko die.
Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.
Ostiral honetan ekonomialari euskaldunek zita garrantzitsua dute Gasteizko Euskaltzaindiaren egoitzan. Ekonomialarien Euskal Elkargoak eta Udako Euskal Unibertsitateak antolatuta, biltzarra egingo dute hirugarrenez. Euskal Herrian estrategikoak izan daitezkeen hainbat gairen... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.
Behe Nafarroako Behorlegin asteburu osoko egitaraua eraman du aurrera herriBiltzak. Larunbatean Parisko Komunaren iraultzaren urteurrena gogoratu dute eta igandean kurduen eta euskaldunen arteko elkartasuna indartzeko udaberriko festa ospatu dute elkarrekin. Bi egunetan erein... [+]