Polioa topatu dute Gazako uretan eta epidemia zabaltzeko arrisku handia dago
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Gazako Osasun Ministerioak eta UNICEFek, NBEren haurrentzako agentziak, polioa aurkitu dute biztanleria dentsitate ikaragarria duen Gazako Zerrendan. Milaka palestinar daude paralisia sortu dezakeen gaixotasunaz kutsatzeko arriskuan. Errefuxiatuak dendetan bizi diren kanpalekuetako ur zikinetan topatu dute birusa. Inongo kanalizaziorik gabe, “kutsatutako ura kanpalekuko denden artean dabil”, ingurua kutsatzeko arriskuan, ministerioaren arabera.
Israelgo armadak epidemia zabaltzeko baldintzak sortu ditu Gazako genozidioarekin. Ur garbia lortzeko aukera gehienak suntsitu dituzte, ur zikinen hustubideak ere bai, eta oso urria da edateko ura lortzeko aukera. Gainera, ospitale guztiak suntsituta edo jarduera oso murriztuta daukate, sionisten erasoen ondorioz. Gaza eta Deir el-Balah hirietako agintariek, Gaza erdialdean, aurreikusi dute “kaleak hondakin urez beteta” egongo direla eta “gaixotasuna zabaldu” egingo dela, ezin izan baitute martxan mantendu ur zikinak ebakuatzeko sistemarik, ez ur araztegirik ere.
“Tik-tak egiten ari den bonba” da polioa Gazan, Tanya Haj-Hassan pediatrak Al Jazeerari esan dionez. Hedabideak jaso duenez, Deir el-Balah hirira soilik 700.000 pertsona heldu dira azken asteetan, Israelgo aire erasoengandik babesteko. Armada sionistak “ur putzuak, garbiketarako eta hondakinen kudeaketarako guneak” suntsitu ditu eta garbitasunerako oinarrizko produktuak sartzea oztopatzen ari da: “Gaixotasuna zabaltzeko baldintza perfektuak” sortu dituzte, hedabideak jaso duenez.
Ezinezkoa da polioaz babesteko neurriak hartzea Gazan. Berez, kutsatutako pertsonek isolatuta behar lukete; beste inork erabiltzen ez duen komuna erabili behar lukete, eta medikuen arta egokia jaso
Ezinezkoa da polioaz babesteko neurriak hartzea Gazan. Berez, kutsatutako pertsonek isolatuta behar lukete; beste inork erabiltzen ez duen komuna erabili behar lukete, eta medikuen arta egokia jaso. Egun Gazako gehiengo handia lekualdatzera behartua izan da, eta errefuxiatu zelaietan pilatuta ari dira bizirauten ehunka mila palestinar. Polioaren aurkako txertoa jaso ez duten milaka haur daude, eta helduek ere txerto osagarri bat beharko lukete egoera honetan, Haj-Hassan pediatraren esanetan. “Katastrofikoa” izan daitekeela ohartarazi du.
Soldadu sionistak txertatu ditu Israelek
Israelgo armada hasi da jadanik bere soldaduei polioaren aurkako txertoa jartzen, Haaretz hedabide israeldarrak jakinarazi duenez. Armadako bozeramaileek esan dute ez dagoela polio kasu aktiborik Gazako biztanleen artean, baina haiek ez daukate harremanik Gazako Osasun Ministerioarekin. Soldadu israeldar gehienek jasoa dute haurtzaroan ematen den txertoa, baina “prebentzio neurri gisa” beste dosi bat ematen hasi dira, Israelgo Osasun ministroak azaldu duenez.
Iturri ugarik salatu dute Israelen genozidioaren planean sartzen zela Gazan gaixotasunak bultzatzea, bizitza ezinezko egiteko kanpainaren baitan
Iturri ugarik salatu dute Israelen genozidioaren planean sartzen zela Gazan gaixotasunak bultzatzea, bizitza ezinezko egiteko kanpainaren baitan. Azaroan, adibidez, Israelgo agintari militar ohi batek publikoki aldarrikatu zuen epidemia bat sortzea Gazan, Israeli garaipena lortzen lagunduko ziolakoan.
Uztaila hasieran The Lancet zientzialari taldeak egindako ikerketa batean ondorioztatu zen Gazan ia 200.000 pertsona hil zitezkeela Israelen erasoen ondorioz, zuzenean indarrez hildakoez gain zeharka hildakoak zenbatuta. Epidemiak zabaltzeko arriskua aipatu zuten arrazoi nagusietako bat bezala.
Israelgo armada urria osoan bereziki gogor aritu da Gazako iparraldean, eta egunotan ere azken urteko erasorik gogorrenak egiten ari da bertan, ehunka pertsona hilda, gehien-gehienak zibilak eta tartean hamarnaka ume. Herritarrei Gazako hegoaldera joateko agindua eman diete... [+]
Israelen ofentsiba inperialista beste fase batean sartu da: bonbardaketak Yemen, Libano eta Sirian; Iranen kontrako erasoak; Libanoren inbasioaren saiakera… Sionistek aspaldiko helburu bat lortu dute: Palestinatik haratago joatea, eta erasoaldia eskualde mailako gerra... [+]
Turkiaren ekimena babestu dute nazioarteko herrialde ugarik, gehienak arabiarrak edo islamiarrak, baita Hegoafrika, Brasil, Kuba, Errusia, Norvegia eta Vietnamek ere, besteren artean.
Gazako iparraldeko Beit Lahiya hiria setioan dago eta Israelen etengabeko erasoaldiek gutxienez 120 palestinar hil dituzte azken aldi honetan. Astebete baino gutxiagoan, urriaren 24tik 29ra bitartean, NBEk “biktima masiboak” izan dituzten zazpi eraso erregistratu... [+]
Errefuxiatu palestinarrei giza laguntza emateko lan egiten duen NBEren agentziari jarduna galarazi diote. Asteartean onartu du legea Israelgo legebiltzarrak, gehiengo oso zabalarekin. 1967an sinatu zen akordioa indargabetuko du Israelek.
Israelgo armadak dio sei kazetariak Hamaseko eta Jihad Islamikoko kideak direla, baina ez du hori egiaztatzeko frogarik eskaini. Horren ondorioz, eta aurrekariak ikusita, Aljazeera eta sei kazetariak beldur dira gerta daitekeenaz.
Realak Israelgo Tel Aviv-eko Maccabiren kontra jokatuko du ostegunean Belgradon. Segurtasun arazoak direla-eta, ez dute Israelen jokatuko. Talde txuri-urdineko zaletu batzuek Realari eskatu diote Palestinaren aldeko keinuren bat izateko, baina Jokin Aperribay presidenteak argi... [+]
Zisjordanian bezala, Gazako lurretan ere asentamenduak ezartzea eta bertan finkatzea planteatu du Israelgo Gobernuko Segurtasun Nazionalerako ministro ultraeskuindarrak. Horretarako, aukera onena palestinarren “emigrazioa sustatzea” dela adierazi du.
Urriaren 21erako, mobilizazioak deitu zituen Gernika Palestina izena hartu duen sareak. Palestinak pairatzen duen genozidioa salatu, eta bakearen alde egiteko ekimena omen da, eta nekez jar gaitezke bi kausa horien kontra. Elkartasunak palestinarren alde lerratzera garamatza,... [+]
Asteburuan indiskriminatuki bonbardatu ditu Gaza eta Beirut hegoaldea. 2023ko urriaren 7az geroztik, 42.600 pertsona baino gehiago hil ditu Israelek Palestinan, Gazako Osasun Ministerioak zenbatu ahal izan duenaren arabera. The Lancet aldizkari zientifikoak uztailean kaleratu... [+]
Urtebete pasa da palestinar erresistentziak burua altxatu eta Israelek inoiz egin duen ofentsibarik bortitzena hasi zuenetik. Tamalez, egoerak okerrera egin du, Israelek bere ofentsiba areagotu baitu palestinar lurrez harago, Libano, Siria, Yemen edota Iranen aurkako eraso... [+]
Yahya Sinwar Hamaseko burua hil ondoren, Ekialde Erdiko gerrak nola jarraituko duen aurrera mintzagai da hilketaren biharamunean. AEBek, Joe Bidenen ahotik, berehala iragarri dute orain su-etenak bidea libre izan dezakeela. Bide beretik jo dute Mendebaldeko hainbat buruzagik... [+]
Israelek dio ostegunean Hamasen buru Yahya Sinwar hil duela eraso batean, Israelgo armadarentzat "gizonik bilatuena". DNA frogak egiten ari dira gorpuari, albistea baieztatu asmoz. Israelek eskola baten aurka egindako bonbardaketa horretan 28 pertsona hil eta 160 baino... [+]
Istiluak izan dira Ertzaintzarekin eta Espainiako Poliziarekin Bilbon eta Iruñean. Sare sozialetan jakinarazi dutenez, gutxienez bina pertsona atxilotu dituzte batean zein bestean, eta aske daude dagoeneko.
Erantzukizuna Israelgo Estatu Sionistarena da, bera baita, biztanleriaren zati handi baten, soldadu, kolono eta abarren laguntzarekin, garbiketa etnikoa eta genozidioa egiten ari dena inguruko herrialde eta herrien aurka.
Mendebaldeko estatuek ere laguntzen diete, armak... [+]