Ekologistak martxan, Martes al Sol, PAH, ATTAC eta hainbat eragile eta sindikatuk deituta, bi elkarretaratze egin dituzte: bat, Iberdrika aurrean; bestea, udaletxe parean. Biak ala biak probrezia energetikoa salatzeko.
Larria da egoera: 96.000 pertsonek pairatzen dute txirotasun energetikoa Nafarroan. Atzo bitan atera ziren kalera. Goizean, Iberdrolaren bulegoen ataria, Sarasate pasealekuan; arratsaldean, udaletxe parean. Deitzaileak: Ekologistak martxan, Martes al Sol, PAH, ATTAC eta hainbat eragile eta sindikatu.
#Argindarmozketagehiagorikez zioen pankarta eskuetan irmo hartuta bildu ziren atzo goizean makina bat lagun. Espainiako estatuko hainbat txokotan egin dute mobilizazio bera, Pobrezia energetikoak hiltzen du premisaren pean guztiak.
Gaia Nafarroara ekarrita, poztu egin dira ekintzaileak Nafarroako Gobernuaren neurriak direla eta, nolanahi ere, familien %7arengana baino ez direla iristen oroitarazi dute. Halaber, Nafarroako tokiko legea behar dela aldarrikatu dute, "Katalunian bezala". Azkenik, Espainiari egin diote erreferentzia, eta bertan PSOEk eta PPk adostutakoari: pobrezia energetikoaren gaian "letra txikia" begiratu behar dela esan, eta mobilizazioaren "beharra" aldarrikatu dute.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.