Pettarreko maskaradak igandean abiatuko dira
Maskaradan parte hartzeko behar beste lagun ezin elkarturik, aurten herri batekoek ez, eskualde oso bateko gazteek bildu behar izan dute. Zuberoa iparraldeko Pettarra eskualdekoak dira, euskara ahulen dagoen eremukoak. Dantzan.eus-ek zabaldu du informazioa.
Datorren urtarrilaren 22an ekingo diote Petarreko gazteek aurtengo maskaraden sasoiari. 2008an sortu zen Jauna Elkarteko partaideen baitan osatu da aurtengo taldea, Ezpeize-Ündüreine, Ürrüstoi-Larrabile, Ainharbe, Sarrikota, Onizepea eta Mitikile herrietako gazteekin.
Pettarra, Zuberoako hiru eskualdeetako bat da eta guztira 35 gazte inguruk parte-hartuko dute. Lau hilabetez, Zuberoako 15 herritan ariko dira maskaradak ematen. Maskaraden antolaketa lanetan besteak beste, Allande Davant eta Filipe Uthurralt aritu dira eta dantzarien irakaslea Margot Fauri izan da.
Aurten, gutxi badira ere, bada berritasunik. Kerestuak bi izatetik hirukotea izatera pasako dira eta haien jokoa goizean emango da, barrikada hausteen ondotik. Aitzindariak aldiz, hamar izango dira, aitzindari bakoitzeko bina dantzari. Horrek agerian uzten du Pettarreko dantza-eskoletako lanaren emaitza.
Arizaleak ohikoa baino gaztetxoagoak dira, baina prest dira igandean goizeko 9:00etan lehen barrikadari ekiteko. Datorren igandearen ondotik badute lana, eta aipatu bezala, Zuberoako 15 herritan ariko dira apirila amaiera bitartean. Azken saioa berriz, Gipuzkoan emango dute, maiatzaren 7an, Tolosaldeko Aiztondo bailaran hain zuzen ere.
Hona 2017ko Pettarreko maskaradan parte hartuko duten arizaleen zerrenda:
- Txerreroak: Sophie Petillon eta Arantxa Couchinave.
- Gatüzainak: Maider Ezquer eta Marine Faurie.
- Kantiniersak: Marion Bohateguy eta Maitena Daguerre.
- Zamalzainak: Maialen Daguerre eta Jérôme Esconobiet.
- Entseniaria: Aurelie Chabay eta Mathilde Faurie.
- Jauna: Jérôme Serbielle.
- Anderea: Stéphanie Ellisiry, eta Denise Challa.
- Laboraria: Denise Challa
- Marexalak: Aurelie Dacosta, Alicia Chabay eta Joana Esquer.
- Kukulleroak: Pauline Sarrailh, Charlotte Uhalde eta Leeloo Gosset.
- Kerestuak: Laida Camus, Cecile Gachen eta Maritxu Aranthabe.
- Xorrotxak: Alain Mercapide eta Benedicte Caillaba.
- Buhame jauna: Ximun Daguerre.
- Buhameak: Lauentx Uthurralt, Corentin Esconobiet, Maritxu Aranthabe, Laida Camus, Cecile Gachen, Fabien Petillon eta Allande Aiphassoro.
- Kabana: Iker Uthurralt.
- Pitxu: Allande Uthurralt.
- Kauterak: Mattin Uthurralt, Ximun Uthurralt, Mailis Arhancet, Jon Elgoyhen eta Baptiste Uhalde.
- Bedeziak: Peio Goillardet eta Matteo Clavier.
Informazioa
Albiste hau dantzan.eus-ek argitaratu du eta CC-by-sa lizentziari esker ekarri dugu ARGIAra.
Lehentze franko ditu Pagolako maskaradak: lehentze da Pagola herriak maskaradak ematen dituela; lehentze ere da Kabana pertsonaia neska batek jokatzen duela; lehentze ere da maskaradako txirulariak oro neskak izan direla, Urdiñarbeko barrikaden denboran; lehentze da... [+]
Xiberoa eta Baxe Nafarroa artetik jalgiko da aurten maskarada. Ehun urteko etenaldiaren ondotik, xiberotar usaia berreskuratuko dute aurten Pagolako gazteek.
Hasi dira maskaradak Zuberoan, urteroko tradizioari jarraiki. Alabaina, tradizioak aldatu daitezkeela erakutsi dute aurten Maulen: lehen aldiz, ez da buhamerik izango. Pertsonaia horiek ijitoak ziren, eta estereotipoetatik eta arrazakeriaz antzezten zirela salatu izan dute... [+]
Urtarrilaren 15ean hasi eta apirilaren 22an bukatuko dira 2023ko maskaradak, Maule-Lextarreko gazteek emanak. Guztira hamabost emanaldi lotu dituzte. Lau hilabetean zehar, asteburuz asteburu, Zuberoako hamahiru herri bisitatuko dituzte hiriburuko gazteek. Ohi den legez, lehen... [+]
Erabakita dute zuberotarrek datozen hamar urtetako pastoralak eta hiru urtetako maskaradak zein herrik emango dituzten, eta zerrenda luzatzen doa urtetik urtera. Hilabete honetan gehitu dira, adibidez, Lakarri-Altzaiko herritarrak. Martxoaren hasieran Xiberoko Boza Irratian... [+]
Herri batzuetan urtero moduko inauteriak izango direla adierazi da, beste zenbaitetan moldatu egin dituzte eta beste batzuetan bertan behera gelditu dira inauteriak. Sarrera honetan beste urteetan ospatu izan diren errituak zerrendatu ditugu, baina horrek ez du esan nahi aurten... [+]
Zamaltzain, entseinari zein laborari aritua da Joimo Arantzet (Atharrazte, 1974) hainbat maskaradetan. Etxetik jaso du dantza, Zuberoan ohikoa izan den moduan, eta seme-alabei ere transmititu die dantzarekiko maitasuna eta gaitasuna. Etxekoei ez ezik baita inguruko hainbat... [+]
2021eko Maskaradak bukatu orduko hasiko dira 2022koak. Izan ere, pandemia dela-eta Barkoxeko gazteek inauteriak neguan ospatu beharrean udan hasi zituzten iaz, eta urtarrilaren 8an Barkoxen emango diote amaiera. Astebete beranduago, urtarrilaren 16an, abiatuko dira... [+]
2020an eman behar zuen Barkoxek maskarada Atarratzerekin batera.
Neguko festak, inauteriak dira maskaradak, baina pandemiak ez du hauek ospatzeko aukerarik eman azken neguan, beraz, udan emango dituzte aurten Barkoxeko gazteek, uztailaren 31n hasita.
COVID pandemia dela eta beste kultur ekitaldi guziak bezala, kanbiamenak izango dira Xiberoan ere. Aurten Altzürüküko maskaradak zale ekuarazi baditu ere, ondoko urtean ondorioak ekarriko ditu.
Barkoxeko eta Atharratze-Alozeko gazteak ari dira saioa prestatzen, COVID-19ak baldintzaturik.
Aurtengo maskaradako gazte taldean “zaharrena” zen Marie Annick Jauri (Altzürükü, 1992). Zuberotar inauteriko tradizioan pertsonaia nagusien rola betetzeko emazteen aldia heldu dela konbentzitua bada ere, ez da hala gertatu bere herriko maskaradetan,... [+]