Petronorren geldialdiari egotzi dizkiote kiratsa eta kutsatzaile batzuen balore altuak
Egunotan Muskizen “kirats jasanezina” jasaten ari dira herritarrak. Turruntero elkarteko Amelia Garciak esan digunez, egunik txarrena urtarrilaren 14a izan zen: “Usaina ez ezik, begietan azkura, eztarriko narritadura eta arnasa hartzeko zailtasuna igartzen zen”. Sintoma horiek amoniako emisioren batek eragin ote zituen susmoa du Garciak –“airearen kalitatea neurtzeko kabinek ez dute amoniakoa atzematen”–, baina susmoarekin konformatu behar; izan ere, Turruntero elkartea kexu da administrazioak ez diela ematen eskatutako informazioa.
Bost urtean behin hainbat unitate gelditzen ditu Petronorrek, mantenu lanetarako. Enpresak prentsa ohar batean zabaldu badu ere –eta medio gehienek jaso– otsailaren 2an hastekoa dela geldialdia, urtarrilaren 15ean hasteko asmoa adierazi zien, fax bidez, Muskiz eta Abantoko udalei eta Eusko Jaurlaritzako Ingurumen Sailari, besteak beste.
Egun bat lehenago gertatu zen Amelia Garciak kontatutakoa. “Udalak erantzun zidan esanez SOS Deiak-ek Petronorrera deitu zuela eta enpresak esan zuela ez zegoela inongo arazorik”.
Urtarrilaren 14ko goizean, hain zuzen, San Julian auzoan –hor bizi da Garcia– Petronorrek berak ezarritako kabinak bentzeno kontzentrazio handia neurtu zuen airean: 46,7 mikrogramo metro kuboko.
Kopuru hori ez da legez kanpokoa, araudiak ez baitu ezartzen une jakin baterako gehienezko bentzeno kontzentraziorik, urteko batez besterako muga bat baizik. Muga hori metro kuboko bost mikrogramokoa da.
Egun berean, Abantoko estazioan, Petronorren inguruan halaber, onartutako NOx kontzentrazioa –200 mikrogramo metro kuboko– gainditu zen bi ordutan. Ingurumen Sailaren webgunean jasota dauden datuen arabera, urtarrilaren 7tik 14ra bitartean gutxienez 21 aldiz gainditu du ordubete baten barruko langa hori Abantoko kabinak –emaitza altuena 355 mikrogramokoa izan zen, urtarrilaren 7an–; legearen arabera, urte berean asko jota hamazortzi aldiz gerta daiteke hori, baloreak osasunerako segurutzat jotzeko.
“Enpresak dioena dioela, datuek erakusten dute zer edo zer gertatzen ari dela; beste batzuetan argudiatu dute araudiaren barruan daudela, baina oraingoan marra gorria gainditu dute”, kexu zen Amelia Garcia Muskizko Udalari igorritako mezu batean.
Petronorrek berak iragarri zuen Ingurumen Baimen Bateratuaren eskariak betetze aldera bere jardueraren eta estazioek neurtutako baloreen arteko harremana maiztasun handiz aztertuko zuela, "baina herritarroi informazioa ukatzen digute”, salatu du San Juliangoak, “emaitzak askotan eskatu ditugun arren, ez dakigu azterketa hori egiten den”.
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
Zierbenako portuan planta bat eraiki nahi du enpresak. Arriskutsutzat jotzen diren hondakinak eraldatu eta hormigoi eta baldosen bidez, besteak beste, eraikinetan eta obra publikoetan sartu nahi ditu.
Lizentzia-eskaeran “hainbat artxibo osatu gabe zeudelako” obrak geldiarazteko dekretua sinatu du Muskizko alkate Edu Brionesek.
"Petronor eta Repsol dira Euskadin eta Espainiako Estatuan hurrenez-hurren CO2 gehien isurtzen duten konpainiak", salatu du Greenpeacek. "Gisa honetako ekitaldiak baliatzen dituzte haien irudia garbitzeko".
Azken hilabetetan izandako lan gatazketan auzipetuak izan diren beharginek agerraldia egin dute Eusko Jaurlaritzaren aurrean, langile borrokaren kriminalizazioa salatzeko. Mobilizazioak iragarri dituzte.
Bilboko auzitegiak "justifikazio gabekotzat" jo du Petronorrek pasa den maiatzean indarrean jarri zuen aldi baterako enplegu erregulazioa (ABEE). Enpresak adierazi du epaiari helegitea jarrriko diola.
Petróleos del Norte enpresaren akronimoa da Petronor. Petrolioaren industriako enpresa da eta Bizkaiko Muskizen dauka egoitza soziala. Instalazio nagusiak ere herri horretan dauzka, Kantabriako mugan, La Arena hondartza ezagunaren ondoan. Petronor 1968an legeztatu zen... [+]
2008ko udan sortu zen Meatzaldea Bizirik elkarte ekologista izen bereko eskualdean, Cokearen Aurkako Koordinadoraren segida modura eta bide batez hari izaera legala emateko. Otsailaren 12rako manifestazioa deitu dute Muskizen, Petronorren ate aurrean, findegiari bertan... [+]
Ekainaren 11tik 20ra greban daude Petronorreko langileak, zuzendaritzari Aldi Baterako Enplegu Erregulaziorako Espedientea erretira dezala exijitzeko. Mobilizazio egutegi indartsua antolatu dute langileek eta Bilboko beste hainbat enpresen borrokekin bat egiten ari dira... [+]
Bilboko portua eta Zorrotzaurre artean gasbide bate eraikitzeko makroproiektua aurkeztu dute 78 erakunde publiko eta pribatuk Euskalduna Jauregian. 2020 eta 2026 artean 1.300 milioi euro inbertitzea aurreikusten dute. Petronor-Repsol da proiektuaren sustatzaile nagusietakoa.
Petronor enpresak larunbat goizean informatu zuen Muskizen petrolio isuri bat izan zuela. Isurketa Barbadun ibaira iritsi zen hodi bateko zulo baten ondorioz. Inguruko faunan eraginak izan dituela salatu dute zenbait elkarte ekologistek.